InfoHub Logo

Kez kelgen el óziniń keleshegin óskeleń urpaǵymen baılanystyrady. Ár urpaqtyń peshenesine jazylǵan zaman aǵymy, kezeń tynysy bolady. HHİ ǵasyr búgingi urpaqqa, ıaǵnı bizderge buıyrǵan baqyt dep oılaımyn. Ata-babalarymyz bolashaq urpaq úshin aqtyq demi qalǵansha kúresip, bizge egemendik alyp berdi. Qazaq dalasy ata-babalarymyz ǵasyrlar boıy arman etken jáne sol jolda zor qurbandyqtarǵa dýshar bolyp, óz táýelsizdigin jeńip aldy. Elimizdiń erteńi, memleketimizdiń jarqyn bolashaǵy bilimdi de bilgir jastardyń qolynda. Eldiń erteńgi senimi de jastardyń moınynda. Qaı zamanda bolmasyn qoǵamnyń qozǵaýshy kúshi – jastar. Osy rette Elbasymyz Nursultan Ábishuly Nazarbaevtyń «Men, sizder, búgingi jastar erekshe urpaq ekenderińizdi qaıtalaýdan jalyqpaımyn. Sizder táýelsiz Qazaqstanda ómirge keldińizder jáne sonda erjetip kelesizder. Sizder jastyq shaqtaryńyzdyń ýaqyty – bizdiń elimizdiń kóterilý jáne gúldený ýaqyty. Sizder osy jetistikter rýhyn jáne tabysqa degen umtylýshylyqty boılaryńyzǵa sińirdińizder», - degen sózi memleketpen ult bolashaǵy jastar bolashaǵymen tikeleı baılanysty ekendigin aıqyndaıdy.

Jasyratyny joq, respýblıkamyzdyń barlyq óńirlerinde jastar belsendiligi kúsheıip keledi. Jastar áleýmettik jáne qoǵamdyq ómirdiń belortasynan tabylyp keledi. Elbasynyń Qazaqstan jastaryna degen senimi joǵary ekendigin, búgingi qyz-jigitterimizdiń ıntelektýaldyq belsendiligin joǵary baǵalaıtyndyǵyn bilemiz. Memleket basshysy N. Á. Nazarbaev «Qazaqstan-2050» strategıasy - qalyptasqan memlekettiń jańa saıası baǵyty» joldaýynda jastarǵa dástúrdi ardaqtap, dástúrge saı dinı sana qalyptastyrý qajettigin aıta kelip, qarakóz qazaq qyzdaryn ózge eldiń kıimin úlgi tutpaı, ulttyq bolmysqa saı kıinýge men qazirgi zaman aǵymyna sáıkes ómir saltyn ustanýǵa shaqyrdy. Qazaqstannyń zaıyrlylyq qaǵıdasyna saı din tańdaý – ár adamnyń óz erkinde. Osy erkindikti durys túsinbeıtin jastardyń teris aǵymdardyń yqpalyna túsip jatqanyn aıtpaı ketýge bolmaıdy. Dinı bilimi taıaz jastar dinniń ne ekenin, onyń maqsatynyń qandaı ekenin jete túsinbegendikten de osyndaı qatelikterge urynýda. Áli oń men solyn tanymaǵan, jaqsylyq men jamandyqty ajyrata almaıtyn jastardy teris aǵym ókilderi aram pıǵyldaryna paıdalanýda. Memlekettiń keleshegi jastarǵa baılanysty, sondyqtan bul qubylys memleketke qaýip tóndiredi.

Jastardyń estetıkalyq, dinı kózqarastaryn qalyptastyrýda búgingi ǵalamtor men buqaralyq aqparat quraldarynyń yqpaly ólsheýsiz. Mobıldi álemde ómir súrý, ǵalamtor jelisindegi sansyz aqparattar jastardyń dinı nemese ózge de málimetterdi tańdaýyna des bermeıdi. Sondyqtan, eń basty baǵdarsham – ulttyq qundylyq, eń negizgi ustanym rýhanı izgilik bolsa ǵana utylmaımyz. Aldaǵy ýaqytta táýelsizdigimizdiń tamyryn tereńdetip, Qazaqstandy irgeli memleketke aınaldyrý bizdiń qolymyzda,ıaǵnı jaýapkershiliginde. Sondyqtan jastar qaýymy ýaqyttyń kez-kelgen synaǵyna daıyn bolyp, básekege tótep berý kerek. Sanasy sergek, zamandyq tehnologıalardy meńgergen Otanymyzdyń naǵyz patrıottary ǵana osyndaı synaqtardan súrinbeı óte almaq. Búgin elimizde jastar saıa de, halyqaralyq dárejede talqylanýy - onyń qoǵam ómirinde aıtarlyqtaı mańyzdy oryn alatyndaǵyn ańǵartady. Statısıka agenttiginiń júrgizgen monotorıng qorytyndysy boıynsha memleketimizdegi adam sanynyń 4,5 mıllıonnan astamy jastardyń úlesinde. Bul degenimiz jalpy halyqtyń 30 paıyzy jastar degen sóz. Endeshe, elimizdiń erteńgi bolashaǵy jastardyń búginnen bastap, qandaı tárbıe alýy men otan súıgishtik qasıettiń damýy asa mańyzdy. Eń áýeli jastar boıynda rýhanı adamgershilik, saıası ıntelekttik, quqyqtyq tárbıe basym bolǵany jón. Zamannyń zańǵar tulǵalarynyń biri – Myrjaqyp Dýlatov: «Alystan alash dese, attanamyn, qazaqty qazaq dese maqtanamyn», - dep aıtqanyndaı arystandaı aıbatty, jolbarystaı qaıratty jastarymyz jańa ıdeıalardy júzege asyryp, ómirsheń isterdiń bastaýynda turǵanda búgingi jas urpaqpen  árqashanda maqtanamyz. Qoryta kelgende  búgingi jastarǵa aıtarym, árbir jas júrek óziniń týǵan Otany - Qazaqstanyn janyndaı súıip, tanyp, oǵan tabynyp ósýi qajet. Sonda ǵana jas urpaq boıynda patrıottyq sezim uıalap, keleshegimiz kemeldene túspek. Elbasymyzdyń Halyqqa Joldaýynda: Bizdiń urpaq aldynda babalar qol jetkizgen ıgilikti saqtaý, qaıta qalpyna keltirilgen memleketimizdi nyǵaıtý jáne dúnıejúzilik qaýymdastyq talaptaryna saı jańa sapalyq deńgeıge kóterilý mindeti tur,- dep , jastarǵa zor senim men úmit artyp otyr. Sol senimdi aqtap, bolashaǵymyzdy jarqyn qylaıyq!

QazUÝ hımıa jáne hımıalyq tehnologıalar fakúltetiniń 1 kýrs stýdenti: Esenkeldi Janerke
Jetekshi: Aǵa oqytyýshy Qaırakbaeva G. S

---