InfoHub Logo

Japonıa «aıaq astynan» kómirsýteksiz energetıkaǵa shynymen ótip ketti. Qarańyzdar. Mynaý –alǵashqy qarlyǵash: aty –Toıota Mıraı.

Japonıanyń avtokólik jasaýshy alyby Toyota álemdegi sýtegimen isteıtin qozǵaltqyshy bar alǵashqy avtokóliktiń serıaly óndirisin bastady. Jańa «Mirai» sedan kóligi tek sýtegimen jumys isteıdi, al zıandy tútinniń ornyna taza sý óndirip shyǵarady. Qurastyrýshylardyń aıtýynsha, bakty bir ret toltyryp alsa, 650 shaqyrymǵa jetedi eken.

Japonıada jańa kóliktiń baǵasy 60 myń dollar shamasynda bolmaq. Sonymen qatar, el úkimeti osy ekologıaǵa zıansyz sedandardy satyp alǵandardyń árqaısysy memleketten 17 myń dollar kóleminde sýbsıdıa alady dep málimdedi.

Tolyq bakpen sedan 650 shaqyrymdaı júrip ótedi, al bakty toltyrý baǵasy bir shaqyrymǵa shaqqanda shamamen 0,1 dollar bolmaq.

Avtokóliktiń biregeı qozǵaltqyshyndaǵy energıa elektromehanıkalyq generatordyń ishindegi sýtegi totyǵýy esebinen óndiriledi. Elektr motordyń qýaty 136 at kúshine teń.

Jaqyn arada sýtegimen júretin avtokólikter naryǵyna Honda da shyqpaq.  Kompanıa 2016 jyly FCV úlgilerin satýdy bastaıdy.

Túsinbeı qalǵandar bolsa, túsindiremin: - Bul munaıdyń «ólimi» ǵana emes, qazirgi biz biletin energetıka salasynyń da aqyry. Úıler sýtegimen jumys isteıtin avtonomdy generatorlarmen jabdyqtala bastaıdy. Saıan-SHýshen ǵana emes, barlyq atom elektrstansıalarynyń da, elektr energıasyn jetkizetin jelilerdiń de qajeti bolmaı qalady. Qansha adam jumyssyz qalatynyn elestetip kórińizshi? Geologtardan bastap, elektr jabdyqtaryn óndirýshilerge deıin –jumyssyzdar qataryn tolyqtyrady. Jabdyqtar degendi aıtpaı-aq qoıaıyq! Metaldyń quny kók tıyn bolyp qalady!

---