InfoHub Logo

Oblystyq balalar aýrýhanasyna jetkizilgen jasóspirimge ota jasaldy, dep habarlady «Moı gorod». Oqıǵa BQO Qaztalov aýdanyndaǵy Qaraoba aýylynda bolǵan.

Oqýshynyń ákesi Oljas Maqsotovtyń aıtýynsha, onyń uly jergilikti mektepte 10-synypta oqıdy. Barlyǵy 4 qazan kúni boldy. Jasóspirim jańa alańǵa fýtbol oınaýǵa ketken. Keıin ákesi ishimdik ishken tarıh pániniń muǵalimi alańǵa Edildi kirgizbegenin, al mekteptiń áskerı jetekshisi balany urǵanyn bildi.  

«Alǵashynda ulym tis jaryp eshteńe aıtpady, biraq aýrý dendegen soń, bárin aıtyp berdi», - dedi aýrýhanada ulynyń qasynda jatqan O.Maqsotov.

Bir apta boıy bala aýdandyq aýrýhanada jatty. Densaýlyq saqtaý basqarmasynyń baspasóz qyzmeti qazir 10-synyp oqýshysynyń oblystyq balalar aýrýhanasynda jatqanyn, oǵan ota jasalǵanyn málimdedi.

Qaraoba aýyldyq okrýgynyń ákimi áskerı jetekshiniń qyzmetinen bosatylǵanyn habarlady. «Tóbeles sport alańynda fýtbol oıyny kezinde bolǵan. Oǵan ne túrtki bolǵany ázirge belgisiz. Áskerı jetekshiden bólek, onda tarıh pániniń muǵalimi de bolǵan, onyń oqýshyny soqqyǵa jyǵýǵa qatysy bar-joǵy anyqtalyp jatyr. Ata-ana polısıaǵa shaǵym túsirdi. Tergeý júrip jatyr», - dedi Qaraoba ákimi Nurlyǵalı Dúısekov.

---