Astanada mektepterdegi aqsha jınaýǵa qarsy kúresetin komısıa quryldy
Astana qalasy ákiminiń tapsyrmasymen mektep qajettilikterine aqsha jınaý jaǵdaılarynyń jıilep ketýine baılanysty elordalyq mektepterde túsindirý jáne aldyn alý jumystaryn júrgizý jónindegi qoǵamdyq komısıa quryldy. Bul týraly qala ákimdiginiń saıty habarlady.
Ákimdiktiń resmı saıtyndaǵy «Ákimge ótinish» servısi arqyly ákimniń atyna kelip túsken árbir saýal men ótinish boıynsha tekserý júrgizilip, aktiler jasalady, bilim berý uıymynyń basshylyǵyna tártiptik sıpattaǵy sharalar qoldanylady. Atalǵan jumystar Astana qalasynyń ákimi Áset Isekeshevtiń erekshe baqylaýyna alyndy.
Komısıa quramyna «Nur Otan» partıasynyń, qoǵamdyq birlestikterdiń belsendileri, qalalyq máslıhat depýtattary, úkimettik emes uıymdardyń ókilderi, qoǵamdyq keńes músheleri endi.
Sonymen qatar, ár mektepte bilim mekemesi jumsaıtyn mindetti shyǵyndar tizimi ilinedi. Synyptarda aqsha jınaý faktileri, mektep ákimshiligi nemese jekelegen oqytýshylar tarapynan basqa da zańǵa qaıshy is-áreketter tirkelgen jaǵdaıda, ata-analar 55-01-62 jáne 87782550162 telefondary boıynsha Bilim basqarmasynyń «qaýyrt jelisine» habarlasa alady.
You Might Also Like
-
Bizdiń tilimiz – ananyń aq sútimen boıǵa sińgen asyl qazynamyz, sondyqtan da óz tilimizde sóıleý basty paryzymyz.
-
Asyl ájem, ǵasyr ájem ańsaǵan Saǵynyshym – sary ormandaı samsaǵan. Áke bolyp júrgenimdi umytyp, Áli kúnge erkeleımin men saǵan.
