Brıtanıa sheteldik stýdentterge dıplom alǵan soń 2 jyl jumys isteýge ruqsat etedi
Brıtanıa Úkimeti 2020 jyldan bastap, ýnıversıtetti támamdaǵan sheteldik stýdentterge 2 jyl elde qalýǵa jáne jumys isteýge ruqsat etedi. Osylaısha Premer Borıs Djonson eks-İshki ister mınıstri Tereza Meı engizgen ımıgrasıamen kúres tásilderin toqtatty, dep VVS habarlaıdy.
Ýnıversıtetti aıaqtap, dıplom alǵan sheteldik stýdentter buryn Brıtanıada 2 jyl qalyp, jumys isteı alatyn edi. 2012 jyldan bastap Tereza Meıdiń sheshimimen bul merzim 4 aıǵa shekteldi.
2012 jyly premer-mınıstr Devıd Kemeron jylyna Brıtanıaǵa keletin júz myń adamnyń sanyn on myńǵa azaıtýǵa ýáde berip, İshki ister mınıstri Tereza Meı mıgrasıany is júzinde shekteýge kóshti.
Degenmen, kóp uzamaı el Úkimetiniń bul saıasaty qurdymǵa ketti. Brıtanıa Eýroodaqtyń quramynda bolǵandyqtan, odaqtyń kez kelgen eliniń azamaty emin-erkin kirip-shyǵý quqyǵyna ıe. 2012 jyldyń basynda ǵana azaıǵan mıgrasıa, keıin birden ósip, jylyna keletin adamdar sany 260 myńǵa artyp ketti.
Shildede Borıs Djonson premer-mınıstr qyzmetine kelgen soń, erejeni ózgertti. Turǵylyqty qalý nemese eńbek etý vızasy Eýroodaqtan Brıtanıaǵa shyǵyp ketse de, odaq elderine birdeı beriletin boldy.
Qazirgi tańda Brıtanıada bas-aıaǵy 460 myń sheteldik stýdent oqıdy, olar jylyna 20 mıllıard fýntqa deıin paıda ákeledi.
You Might Also Like
-
Baqyt degen ár kúnińe shúkirshilik etý.Ýaqyt zymyryp ótip ketip jatyr,sol ýaqyttaǵy baqytty sátter umytylmaıdy .Menińshe árbir adam ózin baqytty ete alady,árıne eńbek kerek.Keıde baqyt úshin ...
-
Aljır jurtynyń patshasy Baýaqas degen qol astyndaǵy qalalardyń bireýinde bir danyshpan qazy bar, onan ótirik aıtyp eshkim qutyla almaıdy, daýgerdiń qaısysynyń isiniń aq ekenin aıtpaı tabady dep esitip...
