Búgin doktorantýraǵa túsý emtıhandary bastaldy
Búgin Qazaqstanda doktorantýraǵa túsýge emtıhan tapsyrý bastaldy.
Ǵylym jáne joǵary bilim mınıstrliginiń málimetinshe, emtıhandy tapsyrýǵa ótinish qabyldaý 25 qazan – 10 qarasha aralyǵynda Ulttyq testileý ortalyǵynyń app.testcenter.kz saıtynda júrgiziledi.
Doktorantýraǵa túsý emtıhandaryna 1060 adam qatysady. Synaqtar búgin bastalyp, 2 jeltoqsanǵa deıin jalǵasady.
«Túsý emtıhanyna esse jazý, doktorantýraǵa daıyndyq testi jáne bilim berý baǵdarlamasy tobynyń beıini boıynsha emtıhan kiredi.
Jalpy, túsý emtıhanynyń eń joǵary kórsetkishi 100 bal, onyń ishinde áńgimelesý – 20 bal, esse – 10 bal, doktorantýrada oqýǵa daıyndyǵyn anyqtaýǵa arnalǵan test – 30 bal, beıini boıynsha emtıhan suraqtary – 40 baldy quraıdy.
Al memlekettik bilim berý tapsyrysy boıynsha konkýrsqa qatysý úshin jáne aqyly negizde doktorantýraǵa túsý úshin shekti bal 75 baldy quraıdy», – dep atap ótti Ulttyq testileý ortalyǵynyń dırektory Rýslan Emelbaev.
Atap ótsek, 2022 jyldan bastap doktorantýraǵa túsý úshin shet tilin meńgergendigi týraly sertıfıkattan bólek, QAZTEST júıesi boıynsha memlekettik tildi meńgergenin rastaıtyn sertıfıkatty usyný qajet.
Túsý emtıhanynyń nátıjeleri ony ótkizgennen keıin kelesi kúni jarıalanady. Ony jeke kabınette kórýge bolady.
Bolashaq doktoranttar úshin 700-den astam grant bólingen.
You Might Also Like
-
«Qarjy ortalyǵy» AQ grantta oqıtyn stýdentterdiń mindetterin túsindirdi.
-
XIX ǵasyrdyń 30 jyldarynda Bókeı ordasynyń bıleýshisi Jáńgir óziniń handyq qurǵan saltanatyna arnap úlken toı jasaıdy. Toıdyń bolatyn mezgilin bir jyl buryn habarlaıdy. Daıyndyq jumysy jan- jaqty jú...
