InfoHub Logo

Qazaq tili 2 synyp

Sabaqtyń taqyryby: Býyn jáne tasymaldy qaıtalaý.
Sabaqtyń maqsaty:
Bilimdilik: býyn, tasymal týraly birinshi synypta alǵan bilimderin eske túsirý, qaıtalaý; daýysty dybystyń býyn quraıtyny, býynǵa bólingen sózderdiń barlyǵy birdeı tasymaldana bermeıtini týraly túsinikterin tereńdetý;
Damytýshylyq: býynǵa durys bólý, tasymaldaı bilý daǵdylaryn damytý;
Tárbıelik máni: saýatty jazý arqyly uqyptylyqqa, tıanaqtylyqqa tárbıeleý.
Sabaqtyń ádis tásilderi: eske túsirý, ózindik jumys, qorytyndylaý, oıyn.
Pán aralyq baılanys: ádebıettik oqý, matematıka
Kórnekilik: sóz, býyn kartochkalary, zattyq sýretter
Qoldanylatyn tehnologıa: dástúrli
Sabaqtyń tıpi: qaıtalaý sabaǵy
Sabaqtyń ótý ádisi:
Sabaqtyń jospary:
İ Uıymdastyrý kezeńi
a) Psıhologıalyq daıyndyq
İİ Úı tapsyrmasyn tekserý
İİİ Qyzyǵýshylyǵyn oıatý
İV Maǵynany taný
V Oı tolǵanys

Sabaq barysy:
İ Uıymdastyrý kezeńi
Oqýshylardyń nazaryn túgeldeı sabaqqa aýdarý
a) Psıhologıalyq daıyndyq
Meıirimdi júrekpen,
Aqpeıildi tilekpen,
Amandasyp alaıyq,
Bir jadyrap qalaıyq

İİ Úı tapsyrmasyn tekserý
4 bet 3 - jattyǵýdy ár qatardan úsh oqýshydan oqytý.
- Sóz neden quralady?
- Sóılem neden quralady?
- Sóılemniń túrlerin ata, mysal keltirińder.

İİİ Qyzyǵýshylyǵyn oıatý
- Balalar, bárimiz sózderdi býynǵa bólýdi bilemiz ǵoı. Endeshe mynadaı oıyn oınaımyz.
Oıyn: «Qımylmen kórset»
Sharty: Muǵalim bir býyndy sóz oqysa, oqýshylar qoıannyń qımylyn salady. Eki býyndy sóz oqysa, balyqtyń, al úsh býyndy sózdi oqysa, aıýdyń qımylyn kórsetedi. Qatelesken bala oıynnan shyǵyp otyrady.

İV Maǵynany taný
a) dáptermen jumys
Dápterlerine búgingi kúndi jáne kórkem jazý joldaryn jazǵyzý.
Dybys: Áá
Sol dybysqa baılanysty sóz jazý: ánshi
Aýyzsha sol sózge sóılem quratý, býynǵa bólý.

á) taqtamen jumys
1 - jattyǵýda oqýshylardy nazaryn sýretke aýdarý. Oqý quraldarynyń attaryn ataý. Zattardyń atyn býynǵa bólip jazý. Daýysty dybystardyń astyn syzý. Sózde neshe býyn, neshe daýysty dybys bar ekenin anyqtaý.
Ki - tap, dáp - ter, qa - lam - sap, syz - ǵysh, ó - shir - gish, qa - ryn - dash.
Qorytyndy: sózdegi býyn sany daýysty dybysqa baılanysty ekenin pysyqtaý.
b) oqýlyqpen jumys

2 - jattyǵýda óleńdi ishteı oqyǵannan keıin, birneshe oqýshy daýystap, býynǵa bólip oqıdy. Óleńnen bir ǵana daýysty dybystan turatyn býyndy ózderi taýyp, qorytyndy shyǵarady. Iaǵnı daýysty dybys óz aldyna býyn quraıdy.

3 - jattyǵý boıynsha aldymen býyndar jazylǵan baǵan men sózder jazylǵan baǵandy salystyrady. Býyndardan sóz quraýǵa, sózderden sóılem qurastyrýǵa bolatynyn aıtady. Taqtada oryndalady: sabaq, parta, taqta, kitap.
Bolat keshke oqý quraldaryn daıyndap qoıady.

Sergitý sáti:
Qarlyǵashqa uqsaıyq,
Káne, qanat jazaıyq,
Qarlyǵash bop ushaıyq.
Ushyp, ushyp alaıyq.

Tasymaldaý erejelerin eske túsirý:
 Bir býyndy sózder tasymaldanbaıdy;
 Tek daýysty dybystan bolǵan býyn tasymaldanbaıdy;
 Defısten keıin daýyssyz dybystan bastalyp tasymaldanýy kerek;
 Jalǵyz dybys tasymaldanbaıdy.
Bir sózdiń birneshe tasymaldaný úlgisin kórsetý. «Oqýshylardyń» sózin býynǵa bólgizý. O - qý - shy - lar - dyń (5 býyn), 5 - býyndy sóz 3 jolmen tasymaldanady, sebebi jalǵyz áripten turatyn býyn tasymaldanbaıdy.

Tasymaldaý jolyn kórsetý:
1. Oqý - shylardyń
2. Oqýshy – lardyń
3. Oqýshylar - dyń
v) dáptermen jumys

4 - jattyǵýda úsh, tórt býyndy sózderdi tasymaldap úırenýge daǵdylandyrý. Tasymaldaýǵa bolmaıtyn sózderdi tabý: sen, be, olar, óte, ómir, men.
Jal - qaý - lar (3 býyn ) Sa - rań - dar - dy (4 býyn)
Jal - qaýlar Sa - rańdardy
Jalqaý - lar Sarań - dardy
Sarańdar – dy

g) ózdik jumys
5 - jattyǵýdy oqýshylar dápterge óz betterinshe oryndaıdy, nemese úsh qatardan bir oqýshydan taqtaǵa oryndaıdy.
Kún - de - li - gim (4 býyn) qa - zaq ti - li (2 býyn) dáp - te - rim - di (4 býyn)
Kún - deligim qa - zaq dáp - terimdi
Kúnde - ligim ti - li dápte - rimdi
Kúndeli - gim dápterim - di

V Oı tolǵanys
Suraq - jaýap arqyly sabaqty qorytyndylaý.
Baǵalaý.
Úıge tapsyrma: «Kitaptar, baldyrǵandar» sózderin tasymaldap kelý.

Astana qalasy, № 8 orta mektep
Bastaýysh synyp muǵalimi
Seksenbaeva Serıkkýl Abbasqyzy