InfoHub Logo

Otbasymyzdyń eń kishkentaı múshesi — búldirshinim, seniń de jańa jylyń qutty bolsyn! Appaq qardaı kóńili pák balapanyma keler jyl tek jaqsylyqtaryn syılasyn. Jaınaǵan júzinen kúlki ketpeı, baldaı tátti qylyqtaryna qanbaı júre bereıik!

*** *** *** ***

Osy merekeni qatty kútken balapanym! Qyran bolyp samǵap, alystardy kózdep, bıikterdi baǵyndyratyn úlken azamat bol! Ómir joly seni eshqashan adastyrmaı, ár basqan qadamyńa Allanyń nury jaýsyn. Kórer jańa jyldaryń kóp bolsyn, júzińnen tek qana nurly kúlkini kóreıik.

*** *** *** ***

Jańa jyl búldirshinder úshin erekshe mereke. Olardyń kirshiksiz kóńilderi bul kúni ǵajaıyptyń bolaryna senedi. Perishtelerdiń tilegi qashan da oryndalady. Sondyqtan, jańa jyl esik qaqpastan buryn, balapanym, seniń amandyǵyńnyń tilekshisimin! Qasqyrdyń qaıratyn, arystannyń aıbatyn, jylqynyń saqtyǵyn, búrkittiń qyraǵylyǵyn tileımin. Taý sýyndaı taýsylmas qaıratqa da, syr sýyndaı sarqylmas jigerge de, gúldeı jaıqalǵan ǵumyr men samal jeldeı terbelgen ómirge balam, sen laıyqsyń!

*** *** *** ***

Baldyrǵandar analaryna shýaq, ákelerine qýat bolsyn! Sıqyrly merekede ákeler sıqyry taýsylmaı, ózderi senetin ertegi ǵumyrdy kórýge jazsyn! Jańa jyl sábıler kúlkisinen aıyrmasyn, denderi saý, balalyqtyń baqytyna toımaı júre bersin!