InfoHub Logo

Baıaǵyda bir jalqaý bolypty. Onda mańyraǵan mal degen bolmapty. Bir kúni japyraıǵan alasa kúrkesiniń ishinde áıeli ekeýi bir ýys qýyrǵan bıdaımen shaı iship otyrypty. Terisi keńip, kóńili jadyraǵan jalqaý jubaıyna bylaı depti:

— Qatyn, biz osy aldymyzdaǵy kóktemde qaýyn-qarbyz eksek. Ol bizdiń yrysymyzǵa jaqsy bop bitse, mol ónim berse. Sol qaýynnyń bir toǵyzyn Jumash baıǵa tartsaq, ózi kóńilshekteý neme edi, jylqysy kóp qoı, bir bıe berip qalýy múmkin. Endi bir toǵyzyn jamaǵaıyn ǵoı, Ógizbaıǵa tartsam, ol sátin salyp bir baıtal berse...

— Qoshqarbaıdyń ákesi-aý, bul nıetiń durys qoı, biraq bári bıe bolyp ketti ǵoı, aıǵyrsyz bıeler qysyr qalmaı ma?

— Báli, ol esten shyǵyp ketipti ǵoı, durys aıtasyń. Qaýyn-qarbyzdyń qalǵan-qutqanyn jınap alyp Bátespaıǵa aparyp, qunannan dónen shyǵar aıǵyr alsam...

— Qoshqarbaıdyń ákesi-aý, sen minip barsań, bıeler qysyr qalmaı ma? — dep yzaǵa býlyqqan jalqaý sháı-paıymen kese- sin laqtyryp jiberipti. Sóıtip, kóńildiń júırik qıalyna ilesken jalqaý jalǵyz kesesinen aırylypty.

---