InfoHub Logo

Temırtaeva Kaldykýl Meırambekovna
Bastaýysh synyp muǵalimi
№53 mektep-lıseı Astana qalasy
Dúnıetaný. 4 synyp

Sabaqtyń taqyryby: Dala ósimdikteri men janýarlary.

Sabaqtyń maqsaty: Dala ósimdikteri janýarlary týraly bilimdi óz
betterinshe uǵynýyna qolaıly orta qurý;
Oqýshylardyń erkin jumys jasaýyna uıymdastyrý.
Sabaqtyń mindetteri:
Mazmunyna baılanysty;
-jańa bilimdi óz betinshe túsiný, óz tiline aýdaryp, izdenýine kómek kórsetý;óz oıyn qorǵaýǵa múmkindik berý.
2. Syn turǵysynan oılaýdy damytýǵa baılanysty;
- jańa aqparatpen jumys istegende zerttep, tájirıbe almasýyna jaǵdaı jasaý;
-oqýshy óziniń alǵan bilimine baǵa berip,úırenýin uıymdastyrý;
-suraq qoıýǵa jeteleý.

3. Toptyq jumys daǵdylaryn damytýǵa baılanysty;
- toppen jumys barysynda ózin-ózi mádenıettilikke tárbıelenýin basqarý; Birin –birin syılaýǵa,oıdy qurmetteýge úıretý.

Kútiletin nátıjeler;
1.Oqýshy taqyrypqa baılanysty neni bile alady,mazmunǵa saı neni túsine alady?
-Dala ósimdikteri men janýarlar týraly jańa bilim qalyptastyrady.
2.Syn turǵysynan oılaýdy damytýǵa baılanysty oıdy qalaı damyta alady?
-Pikir talasta ózin kórsete alady,mazmundy zertteı alady,oıyn ashyq aıtýǵa,erkin oı bólisýde óz kózqarasyn dáleldeýge úırenedi.


3.Toptyq jumys erejelerin qalaı úırene alady?
- Birin-biri tyńdaýǵa daǵdylanady,sózdi bólmeýge suraq qoıýǵa ózin baǵalaýǵa,sypaıy sóıleýge qalyptasady.

Kórnekilikter: mátin jazylǵan úlestirmeli qaǵazdar, markerler,plakattar,fotoaparat,keri baılanys paraqtary.

Ádis-tásilder: uqsastyq pen daralyq strategıasy, galereıany sharlaý strategıasy.

İ.Qyzyǵýshylyqty oıatý .
Suraq.Dala ósimdikteri men janýarlary degen sózdi estigende oılaryńa ne oralady, qandaı oı týady,ne elesteıdi?
Jeke jumys.Dara oıyn qaǵazǵa túsiredi.
Jupta jańa jazǵan oılary týraly pikir almasady.
Topta oılaryn talqylap uqsas oılaryn qaǵazǵa túsiredi.
Ortaǵa shyǵyp oılaryn qorǵaıdy.

İİ. Maǵynany ashý.
Mátindi oqý. Oqyǵanda óziniń túıgen dara oıyn qaǵazǵa túsiredi.
Jupta jańa alǵan bilimi men burynǵy bilimin ushtastyrý arqyly bilgenin aıtyp pikirlesedi.
Topta árqaısysy óz oılaryn ortaǵa salyp, talqylap, ortaq sheshimge kelip, uqsas oılaryn qaǵazǵa túsiredi.
Qaǵazdardy ár top synypqa iledi. (Galereıany sharlaý strategıasy bastalady)
İlingen qaǵazdy ár top aralap oqyp shyǵady, barlyq toptyń jazǵan oılaryn oqı júrip, tanysady. Óz oılarynan týǵan suraqtaryn ár qaǵazǵa ilip ketedi. Oryndaryna otyrady.
İİİ. Oı tolǵanys.
Ár toptan bir oqýshy ózderi jazǵan qaǵazdyń janynda qalady.
Toptyń oıyn qorǵaıdy. İlingen suraqtarǵa jaýap beredi.

Keri baılanys paraǵymen jumys.
Baǵalaý. Ózin-ózi baǵalaý.
Úıge tapsyrma. Esse jazý. Dala ósimdikteri men janýarlaryn qalaı qorǵaımyz.