InfoHub Logo

Qazaq tili
Sabaqtyń taqyryby: Dara jáne kúrdeli san esim.
Sabaqtyń maqsaty: Oqýshylardyń san esim týraly bilimderin keńeıte otyryp, dara jáne kúrdeli san esim týraly túsinik berý.
2. Oqytýdyń tıimdi ádis - tásilderin paıdalana otyryp, oqýshylardyń oılaý qabiletterin, shyǵarmashylyq jumystar arqyly bilimderin damyta túsý.
3. Oqýshylardy ádeptilikke, shapshańdyqqa, saýattylyqqa, sandar týraly qazaqı uǵymdardy ómirde paıdalana bilýge tárbıeleý.
Sabaqtyń túri:Jańa bilimdi meńgertý.
Sabaqtyń ádisi:Suraq - jaýap, túsindirý.
Sabaqtyń jabdyǵy: ınteraktıvti taqta,
Sabaqtyń barysy:

1. Uıymdastyrý bólimi. Psıhologıalyq daıyndyq. Jylýlyq sheńberi.
2. Ótken sabaqqa sholý.
3. Negizgi bólim. Jańa sabaq.
Bir sózden quralǵan san esim dara san esim dep atalady.
Mysaly: on, jıyrma, otyz, qyryq.
Eki nemese odan da kóp sózden quralǵan san esimder kúrdeli san esim dep atalady.
Mysaly: on bes, elý bes, júz alpys alty.
Dáptermen jumys Kún jady jazylady. Kórkem jazý.
Oqýlyqpen jumys
Jańyltpashty jatqa aıt. San esimderdi tap. Qaısysy dara, qaısysy kúrdeli ekenin aıt.
Interaktıvti taqtamen jumys.
Bıylǵy jyldy, aıdy, kúndi, apta kúnin jazýmen jaz.
Etnomádenı suraqtar
Sandarǵa baılanysty halqymyzdyń uǵymynda 3, 5, 7 sekildi sandardyń bárin bir uǵymǵa negizdep, kıeli dep eseptegen.
1. Úsh qýat: Aqyl. Júrek. Til.
2. Bes asyl, bes dushpan.
3. Alty ıgilik: Densaýlyq, qazyna, dos, áıel, bilim, bala.
4. Jeti qazyna: Er jigit, sulý áıel, aqyl bilim, júırik at, qyran búrkit, beren myltyq, júırik tazy.
Halyq aýyz ádebıetinde jáne jekelegen avtorlar shyǵarmalarynda kóptep kezdesetin shyǵarmanyń bir túri - sanamaqtar. Kespe kartochkalar taratamyn. Kartochkalarda sanamaqtyń bir - bir joly jazylǵan. Men belgi bergen kezde san reti boıynsha oqyp shyǵasyńdar.
Bir degenim - bir taıaq,
Eki degenim – eki taıaq,
Úsh degenim - úshkir tis,
Tórt degenim - tórt burysh,
Bes degenim - bes qatar,
Alty degen – alty atar,
Jeti – jerdiń jemisi,
Segiz - tóldiń semizi,
Toǵyz degen tól basy,
On degen on joldasy.
San bilmegen aıta ma
Sanamaqty qaıtala.
Sergitý sátine sanǵa baılanysty jumbaqtar sheshý.
1. Júz tórt túıme,
On bir ıne. (Esepshot.)
2. Úsh júz alpys jáne alty qusy bar,
Kezegimen bir - birlep ol ushar. (Qabyrǵa kalendar.)
3. Ekeýi basyp turar,
Ekeýi qashyp turar. (Maldyń tórt aıaǵy.)
4. Basy joq, eki beti, júz tisi bar,
Qaq bóler bóreneni tyń kúshi bar. (Apa)
Terme dıktant.
San esimi bar sóılemdi terip jazý.
Ózindik jumys.
Óleńdegi sandardy sózge aınaldyryp kóshirip jazý.
Sabaqty bekitý
“Maqsutym – til ustartyp, óner shashpaq” degendeı Abaı atamyzdy aıtpaı ketýge bolmaıdy.
“Týǵanda dúnıe esigin ashady óleń, óleńmen jer qoınyna kirer deneń “demekshi bizdiń kúndelikti turmysymyzda toı - dýmanda aıtylyp júrgen óleń taqyryptarynyń keıbiri sanmen aıtylady.
Mysaly: Bir bala, On alty qyz, Eki jıren, Segiz aıaq, Jıyrma bes.
Qorytyndy bólimi
Baǵalaý Úıge tapsyrma: san esimge baılanysty maqal - mátel jazý