InfoHub Logo

Taqyryby: Densaýlyq zor baılyq
Maqsaty:
Jas jelekteı ósip kele jatqan jas jetkinshekterimizdiń sanasyna ishimdik, temeki, nashanyń adam balasyn azdyratynyn, odan aýlaq bolý jaqtaryn mysaldarmen dáleldep túsindirý.

Barysy: Uıymdastyrý Psıhologıalyq daıyndyq
Qýanamyn men de
Qýanasyń sen de,
Qýanaıyq dostarym!
Araılap atqan kúnge!

Muǵalim: Adamnyń densaýlyǵy - qoǵam baılyǵy. Árbir adam óz densaýlyǵynyń myqty bolý joldaryn qarastyrý kerek. Deni saý adamnyń kóńil – kúıi kóterińki bolyp, eńbekke árqashan qulshyna kirisedi. Halqymyz «Deni saýdyń – jany saý» dep oryndy aıtqan. Otanymyzdyń keleshegi, kórkeıýi, balalar, sizderdiń qoldaryńyzda. Sondyqtan senderdiń tańdaýlaryń - salaýatty ómir saltyn saqtaý. Deni saý adam - tabıǵattyń eń qymbat jemisi.
Salaýattylyq – saýlyq kepili, al saýlyq – baılyq negizi.
Esirtki, nashaqorlyq – azamatty jutatyn ajdaha ekenin bir sát esten shyǵarmaıyq!
Ómirimiz - óz qolymyzda. Bizdiń baqytymyzdyń onnan toǵyzy densaýlyǵymyzǵa baılanysty.
Balalar, sender qarańǵy úıge kirip kelip sham jaqsańyz, sham úıdi jaryq qylady. Kóp qyzyl gúldiń ishinen bir aq gúl kórseń, kóziń soǵan túsedi. Bizdiń de ómirimizdi jaryq qylatyn, jan – jaǵymyzǵa tamasha sáýlesin shashatyn, ómirdegi basty baılyq ne dep oılaısyńdar? Oqýshylar: Densaýlyq.

Jumbaq jasyrý, jumbaq óleń.
Dymqyldap kúnde sen
Qolyńdy súıkeseń
Ketip kir, lasyń
Tap - taza bolasyń. Bul ne? (sabyn)

Shomylǵan balany
Aımalap alady
Súrtedi qolyn da
Súrtedi jonyn da Bul ne? (súlgi)

Aýzy joq, kózi joq
Tili joq, sózi joq
Biraq ta tisi joq
Basyńmen isi bar Bul ne? (taraq)
- Balalar, jumbaqtyń sheshýi qandaı zattar?
- Tazalyq saqtaıtyn zattar
Tazalyq bar jerde densaýlyq bolady. Olaı blsa búgingi tárbıe saǵatymyzdyń taqyryby «Densaýlyq zor baılyq». Synypty topqa bólip qoıdym, ár top basshy óz tobyn qorǵap shyǵýy kerek. Al top basshysyna, top músheleri kómektesedi

Muǵalim: Ár top ózderin tanystyra ketsin.
Top spıkerleri óz toptarynyń aty men urandarymen tanystyra ketedi.
İ top:«Shymyr» tobynyń urany: «Shynyqsań shymyr bolarsyń!»
İİ top: «Densaýlyq» tobynyń urany: «Densaýlyq - zor baılyq!»
İİİ top:«Symbat» tobynyń urany: «Symbatty bolý óz qolyńda!»

Sóz kezegi oqýshylarǵa beriledi.
İ: Beıbarys: Densaýlyq – zor baılyq. Densaýlyq bolsa, bári de bolady. Deni saý adamnyń kóńili shat, ómiri baqytty.
İİ: Dılára
Jan – adamnyń ishki dúnıesi, ishki jaratylysy. Olaı bolsa, deni saýdyń – jany da saý. Endeshe ár top densaýlyq týraly oı bólisip, toptastyrsyn. Ýaqyt bitken kezde ár toptan bir oqýshy shyǵyp qorǵaıdy.
İ top
Densaýlyq ol – shynyqqan
Barlyq deneń múshesi.
Densaýlyq ol - tynyqqan
Júıke tamyr júıesi.
Densaýlyq ol - kúlýiń
Kóńil – kúıiń jadyraı,
Densaýlyq ol – júrýiń,
Eshbir jeriń aýyrmaı.
İİ top
Qara aınaǵa, kóresiń
Ózińdi – adam denesin.
Qol - aıaǵyń, basyń bar,
Buǵan keýde qosylar -
Qurylysyń bul syrtqy.
Kórinbeıdi júregiń,
Ókpe, mıyń, búıregiń -
Qurylysyń bul ishki.
İİİ top
Symbat - músin degeniń
Bitim – kórki deneńniń.
Symbat – júrý ádemi,
Dene qalpyn tik ustap:
Kóterip sál keýdeni,
Iyq jazyp durystap.
Túzý otyr, qısaımaı,
Búkireımeı, jantaımaı.
Kúsh sap bas pen arqaǵa,
Jatyp alma partaǵa.

Atyraý oblysy, Mahambet aýdany, Alga selosy
bastaýysh synyp muǵalimi Qýanysheva Botakóz

Tolyq nusqasyn júkteý