Depýtattar muǵalimderdiń jalaqysyn myń dollarǵa deıin kóterýdi surap otyr
QR Parlament Májilisiniń búgingi otyrysy barysynda depýtat Irına Smırnova bilim berý salasyn qarjylandyrý máselesin kóterip, qazaqstandyq muǵalimderdiń jalaqysy tym az ekenin jetkizdi. Halyq qalaýlysy sonyń bárin depýtattyq saýalda kórsetip, ony Úkimet basshysynyń atyna joldady.
Depýtattyń aıtýynsha, búginde Danıa, Islandıa jáne taǵy basqa Eýropa memleketterinde bilim berý salasyn qarjylandyrý kólemi ishki jalpy ónimge shaqqanda 6-9 paıyzdy qurap otyr. Sonyń nátıjesinde Germanıa sıaqty elde muǵalimderdiń jalaqysy 4 myń eýroǵa deıin jetedi. Kórshi Qytaıda mektep muǵalimderi, kem degende, 1 myń AQSH dollaryn alady.
"Bizde bolsa, muǵalimderdiń eńbekaqysy 40-50 myń teńgeni quraıdy. Klass jetekshiligi úshin 5-aq myń qosady. Ondaı júıemen bilim berý salasyn damytý qıyn. Qazaqstan da bilim berý salasyn qarjylandyrý kólemin ishki jalpy ónimge shaqqanda 6-9 paıyzǵa deıin jetkizýi tıis", - deıdi depýtat Smırnova.
baq.kz tilshisi: Arman ASQAROV
You Might Also Like
-
Búkil el aýmaǵynda 18 mln oqýshy sabaqqa baryp, 900 myńdaı muǵalim jumysqa shyqqan. Bul týraly 24.kz arnasy habarlap otyr.
