InfoHub Logo

Men 9 synypta «din jáne zaıyrlylyq" pánin ótken kezde osy salaǵa qatty qyzyqtym jáne izdene bastadym. İzdene kele dintaný mamandyǵynyń bar ekendigin bildim. Osylaısha men Ál-Farabı atyndaǵy QazUÝ oqýǵa tústim. Qazirgi tańda men Fılosofıa jáne saıasattaný fakúltetiniń dintaný mamandyǵynyń 1 kýrs stýdentimin. Men úshin bul sala óte qyzyqty. Osy mamandyqta biz tek bárimiz biletin álemdik dinderdi (býddızm, ıslam, hrıstıan) ǵana emes, sonymen qatar kópshilikke beıtanys ulttyq dindermen de jaqyn tanysamyz. Biraz adamnyń pikirinshe dintaný mamandyǵyn bitirgennen keıin tek molda bolýǵa bolady eken. Degenmen, bul óte qate pikir. Osy mamandyqty támamdaǵan soń memlekettik organdarǵa da jumysqa turýǵa bolady. Men mektepti aıaqtaıyn dep otyrǵan bolashaq stýdentterge osy mamandyqqa túsýge keńes berer edim. Eger dinderdi zertteýge degen qyzyǵýshylyqtaryńyz bolsa, onda osy dintaný mamandyǵy siz úshin úlken múmkindik.

Oryndaǵan: Sagymbaeva Erkejan Mýhametkerımovna
Teksergen: Týrbekova Uljan Asqarbaevna

www.kaznu.kz

 

---