D.Nazarbaeva bes kúndik oqý aptasyn engizýge qatysty túsinikteme berdi
QR Premer-Mınıstriniń orynbasary Darıǵa Nazarbaeva birinshi synyp oqýshylary úshin bes kúndik oqý aptasyn engizýge qatysty túsinikteme berdi.
«Memleket basshysy atap ótkendeı, bes kúndik oqý aptasy bıyl birinshi synyp oqýshylary úshin engiziledi. Sebebi, birinshi synyp órenderi «Nazarbaev Zıatkerlik mektepteri» AQ tarapynan jazylǵan oqýlyqtarmen alǵash ret mektepke barady. Bul mektepter kóp jyldan beri bilim naryǵynda qyzmet etýde jáne ózderin jaqsy jaǵynan tanytty. Olar óte myqty túlekterdi daıyndap shyǵarýda»,-dedi D.Nazarbaeva búgin Astanadaǵy № 81 «Astana English School» mamandandyrylǵan gımnazıasy muǵalimderimen jáne oqýshylarymen kezdesý barysynda.
Osy rette vıse-premer atalǵan oqýlyqtar birtindep Qazaqstannyń barsha mektepterine engiziletindigin atap ótti.
«Birinshi synyp oqýshylaryna arnalǵan bul oqýlyqtar fýnksıonaldyq saýattylyqty damytýdy, ıntegrasıalanǵan pánderdi qarastyrady. Osynyń esebinen jalpy oqý júktemesi azaıady. Bul oqýlyqtardyń arqasynda oqýshylar 1 qyrkúıekten bastap aptasyna bes kún oqıtyn bolady»,-dedi ol.
Sonymen qatar Úkimet basshysynyń orynbasary 2017-2018 oqý jylynda bes kúndik oqý aptasy ózge synyptarda engizile bastaıtyndyǵyn jetkizdi. Sol ýaqytqa deıin «Nazarbaev Zıatkerlik mektepteri» qajetti oqýlyqtardy daıarlaıtyn bolady.
Avtor: Rýslan Ǵabbasov
You Might Also Like
-
QR Premer-Mınıstriniń orynbasary Darıǵa Nazarbaevanyń boljamynsha, Qazaqstannyń eńbek naryǵynda İT salasynyń mamandaryna suranys artady. Bul týraly búgin vıse-premer Astana ákimdiginiń kásibı-tehn...
