InfoHub Logo

Dóńgelek ústel
Otbasynyń ónegesi – Otan ónegesi.
Maqsaty: Ata - analarǵa balanyń jan dúnıesin túsine bilýge keńester berý. Adamdy ósirý qýanyshy men taýqymeti qatar júretin qıyn jol ekenin ata - analarǵa túsindire bilý. Bala júregi adaldyqty súıetindigin aıtý. Árbir ata - anaǵa, balanyń ózindik pikirin bildirý iskerligin qalyptastyrý.
Ata - analarǵa yqylasty qarym - qatynastyń róli týraly aıtý, ony is - júzinde asyra bilýge úıretý. Jeke tulǵanyń ózine degen senimin damytý.

Ótilý barysy:
İ. Trenıń:“Tilek gúl shoǵy”
İİ. Jaǵdaıattar taldaý (suraq - jaýap)
İİİ.“Men qandaımyn?”
İV. Tynyshtyq sáti
V. «Kel oınaıyq» sergitý sáti
Vİ. “Qara kúıe kóbelegin aýlaıyq” jattyǵýy
Vİİ. “Jan - júrek syry”
Vİİİ. “Kóńil - kúı túsi”
İH. Qorytyndy

Trenıń:
“Tilek gúl shoǵy”
Otbasynyń basty qyzmetteri
Tárbıelik
Saýyqtyrý
Rýhanı - adamgershilik
Tanymdyq - bilimdilik
Turmystyq
Eńbek
Tulǵanyń ózindik tájirıbesin yntalandyrýshy
Qorǵaý

Balanyń kún tártibin uıymdastyrýdaǵy otbasynyń is - áreketi
MDU sebepsiz qalmaýyna at salysý
Tárbıeshimen, balabaqshamen tyǵyz baılanys ornatý
Qoǵamdyq oryndarda ózin - ózi ustaı bilýge baýlý
Dostarymen qarym - qatynasynyń durys bolýyna kómektesý
Qyzyǵýshylyǵyn damytý tanymdyq órelerin keńeıtý úshin úıirmeler tańdaýǵa kómektesý
Sanıtarlyq - gıgıenalyq daǵdylardy sińirtý

TAPSYRMA
Qyzy anadan úırenbeı ónege almas,
Ul atadan úırenbeı sapar shekpes. (Qorqyt ata)

Ult bolam deseń besigińdi túze.
(M. Áýezov)
Otan otbasynan bastalady.
(V. A. Sýhomlınskıı)

Otbasynda ózara súıispenshilik bolǵanda ǵana otbasylyq turmyszor baqytqa kenele alady.
(N. K. Krýpskaıa)
Adam ómirindegi eń úlken qýanysh - bala súıý.
(B. Momyshuly)
Otbasy - adam ómiriniń tamasha jaqtary júzege
asatyn, adamnyń eń basty shattyǵy bolyp sanalatyn balalardyń ósip, ómir súretin orny.
(A. S. Makarenko)

Jaǵdaıattar taldaý (suraq - jaýap)
Bala óte qatań otbasynda tárbıelendi. Oǵan ata - anasy eshqashan oıynshyq satyp alyp bermedi, tátti áperip erkeletpedi, konsert, kıno, sırkke de baryp kórmedi. Ata - anasynyń aıtqanymen júrdi, degenine kóndi, tek buıryqty júzege asyrýshy, oryndaýshy qalypta ǵana ósti. Bala ata - anasynyń barlyq aıtqandaryn eki etpeı, buljytpaı oryndasa da, biraq olardan biraýyz jyly sóz estimedi.

Mundaı otbasy týraly ne aıtar edińiz?

Siz balańyzdy osylaı bolyp óskendigin qalaısyz ba?

Bes jasar balasynyń bólmesin jınap júrgen sheshesi balasynyń qajetsiz degen zattarynyń birqataryn qoqysqa laqtyryp tastady. Balasy bóbekjaıdan kelgen soń, bul jaǵdaıdy kórip anasyna qatty renjidi. Anasynyń oıynsha, balasynyń mundaı renish bildirýge qaqysy joq. Sebebi, osy úıdi rettestiretin, qalypqa keltiretin jalǵyz adam anasy bolǵandyqtan, qalaı jınaıdy, solaı bolýy kerek.

Anasynyń is - áreketi durys dep quptaısyz ba?

Balanyń qandaı quqyǵy buzyldy dep oılaısyz?

Otbasy tatý bolý úshin adam boıynda qandaı qasıetter bolý kerek?

Otbasy jarastyǵynyń syry nede?

Nazar aýdaryńyz.
Eı, perzentim, ata - anany qurmetteýdiń qajet ekenin aqyl - oı, parasat tuǵyrynan baıqap bilgeısiń. Óıtkeni árbir perzenttiń tegi ata - ana ǵoı.
Eı, perzentim, ata - anany eshqashan renjitýshi bolma... Olardyń kóńil - kúıine qaıaý salyp, qapalandyrma.
Seni jan - dilimen jaqsy kórip, tárbıelep júrgen ata - ananyń kóńilin qaldyratyndaı quıttaı is jasasań, sen eshqashan da jaqsylyqqa laıyqty jan emessiń, óıtkeni kimde - kim ata - ananyń jaqsylyǵyn bilmese, basqa bireýdiń jaqsylyǵyn da baǵalamaıdy. Eger sen, óz perzentim qurmet qylsyn deseń, sen de ata - anańdy qurmette, sen ata - anańa ne isteseń, saǵan perzentiń de sony jasaıdy. Perzent – jemiske, ata - ana – jemis aǵashyna uqsaıdy. Jemis aǵashyn jaqsy kútseń, jemisi de dámdi, jaqsy bolady. Sol sıaqty ata - anaǵa degen izgi tilegi qabyl bolǵany.

«Kel oınaıyq» sergitý sáti

Ótirik aıtý jaman qasıet degenderiń, qol soǵaıyq.
Jaqsy adam bolǵylaryń kelse, ornymyzdan turaıyq.
Jalqaýlyq jaman qasıet degenderiń, otyraıyq.
Búgingi jınalysqa jaqsy kóńil - kúımen kelgenderińiz, aıaqty edenge soǵaıyq.
Adamgershiligi mol adamdar ornymyzdan turaıyq
Osy bóbekjaı týraly jaqsy oı - pikirdegi adamdar «Biz» dep aıqaılańyzdar.
Búgingi kezdesýge qýanyshtylar qol shapalaqtaıyq

«Men qandaımyn?»

Jaqsy isterdi jasaýǵa asyǵaıyq, áıtpese jas urpaq úlkenderdiń qatelikterin keshirmes jáne bizdiń memleketimizdiń órkendeýin qorǵaýǵa laıyqty bola almaıdy. Búldirshinge bar keregi - sizdiń, dál sizdiń jyly sózińiz ben jumsaq qabaǵyńyz. Osyny umytpaıyq!

Asyl perzentińizdi tańerteń qalaı oıatasyz?

Balanyń ár kúndi bastaýy, qarsy alýy sátti bolý kerek. Ol úshin tańerteń balany oıatqanda jaıly, bappen oıatyńyz, ol sizdiń kúlimdep, meıirimmen óte jaqsy kórip turǵanyńyzdy sezý kerek.
Osy sózdermen onyń da, sizdiń de kúnińiz bastalady.

Balańyzdy tyńdaı bilesiz be?

Júrekpen tyńdaı bilińiz.
Balalaryńyzben jyly shyraı tanytyp sóılesińiz.
Osy bir tamasha sátten lázzat alyńyz.
Eń bastysy, nazar aýdaryńyz.
Jat oıdan aýlaq bolyp, balańyzben birge bolyńyz.
Shyn kóńilmen tyńdańyz.
Sózin bólmeńiz.
Synamańyz.
Onyń sózderin túısinip, túsiný úshin bar yntańyzdy salyńyz.
Árqashan da kúlimdep júrińiz.

Ata - ana men balanyń mahabbaty degenimiz ne?

Basym kópshiligimiz balamyzben qarym - qatynasta súıispenshilik degendi umytyp jatamyz. Balalaryńyzǵa olardy jaqsy kóretinińizdi jasyrmaı, jıi bildirip turyńyzdar.
Egerde baqytty da tabysty balany ósirgińiz kelse, olardy qanshalyqty jaqsy kóretińizdi kúnde aıtyp otyryńyz.
Otbasylyq dáriger Vırjınıa Satır balanyń ómir súrýi úshin kúnine tórt ystyq qushaq, deniniń saý bolýy úshin segiz qushaq, ósýi úshin on eki qushaq qajet ekenin aıtady.
Al endi, kúnine balańyzdy qansha ret qushaqtaıtynyńyzdy aıtyńyzshy?
Óz súıispenshiligińizdi kórsetýdiń tıimdi tásili - oǵan nazar aýdarǵanyńyz jón.
Balalar únemi ata - anasymen tyǵyz qatynasta bolýy kerek. Olar óskenshe ata - anaǵa jaqyn bolyp, olarmen únemi sóılesýdi qalaıdy. Bul kúndelikti tamaqtaı asa mańyzdy.

Bala tárbıesinde joldasyńyzben únemi aqyldasyp otyrasyz ba?
Ózińizdiń qateligińiz úshin balańyzdan keshirim suraısyz ba?

“Úshaǵash negizgi orta mektebi” komýnaldyq memlekettik mekemesi
Mektep psıhology: Jýmaeva Nýrıa Safıollıevna
Dóńgelek ústel. Otbasynyń ónegesi – Otan ónegesi. júkteý