InfoHub Logo

Rasymende dana halqymyz bul dostyq dep atalatyn asyl qasıettiń qadirin erteden-aq bilgen. 

Dos- kóńildiń ajary. Árbir adam dosqa muqtaj. Dos- aqylshyń, qıyn kezde qol ushyn berip, járdemtesetin qoldaýshyń. 

Dosy kópti jaý almaıdy, aqyly kópti daý almaıdy - dep beker aıtpasa kerek.

Qazirgi tańda shynaıy dos tabý óte qıyn. Betińe kúlip qarap, artyńnan neshe túrli jaǵymsyz ister tyndyratyn "ekijúzdi" adamdar óte kóp. Ondaı adamdardan qalaı saqtaný kerek? Shynaıy dosty qalaı bilemiz? Shynaıy dostyń qandaı qasıetteri bolady? - deıtin sekildi suraqtar árbir adamdy ishteı mazalaıtyny bárimizge málim.

Endeshe osy suraqtyń jaýabyn izdeıik. Shynaıy dos tabý úshin, eń aldymen adam ózi shynaıy bolý kerek. Dosyńyzdyń boıynda bolý kerek qasıetter sizde de bolýy shart. Sebebi dos- adamnyń aınasy. Adamǵa ózi sekildi jandar kezdesedi. Sondyqtan ortamyzdy jaqsy, izgi adamdarmen toltyrǵymyz kelse, eń aldymen ózimizden bastaýymyz kerek. 

Endi ıslamdaǵy dostyq pen baýyrmashylyqqa kezek bereıik. 

Islamda musylmandar bir-biriniń jáne barlyq adamdardyń quqyqtaryna qurmet kórsetedi. Baýyrmashylyq sezimmen bir-biriniń qıyndyǵyna ortaqtasyp, aýyrtpalyqtaryn bólisip kóterý, járdemdesýdi ózderine borysh dep biledi. Ózderine bir jamandyq jasalsa ony keshirip, tez umytyp ketedi. Kek saqtaýdy jón kórmeıdi. Musylmandar sonymen qatar árqashan sypaıy qarym- qatynasta bolady. Adamdarǵa jolyqqanda sálem berip júredi. Árdaıym jaqsy sóz aıtady. Aınalasyndaǵylarǵa jaqsy jaǵynan áser etýge talpynyspen ómir súredi. Dostyqqa jáne baýyrmaldyqqa mańyz beredi. Dostyǵyna berik bolady. Eshkimdi aldamaıdy. Bergen ýádesinde turady, eki sóılep, sózinen taımaıdy.

Mine dál osy qasıetterdiń barlyǵy da árbir musylmannyń boıynda bolýy shart. Asyl dinimizde dostyq baýyrmashylyqtyń qandaı bolatynyn joǵaryda atap, kórsetip kettik.

Paıǵambarymyz (s.a.ý) bylaı dep buıyrady:

"Musylman - musylmannyń baýyry. Oǵan zulymdyq jasamaıdy, ony qaterge tastap ketpeıdi" (Mýslım,Bırr,58)

Jaqsymen joldas bolsań – jetersiń muratqa.
Jamanmen joldas bolsań - qalarsyń uıatqa - demekshi, dostyǵymyzǵa adal bolaıyq. Adamzatqa tán osy asyl qasıetimizden aıyrylyp qalmaıyq!

---