InfoHub Logo

UOQ - nyń taqyryby: Dos bolaıyq bárimiz
UOQ - nyń bilim salasy: Komýnıkasıa. Tanym. Shyǵarmashylyq.
UOQ - nyń maqsaty: «Dostyq» qundylyǵy týraly túsinikterin odan ári jetildirý.
UOQ - nyń mindetteri:
Bilimdilik: Ózara syılastyq, dostyq, súıispenshilik bilim berý.
Damytýshylyq: Ózara syılastyq qarym - qatynastaryn damytý.
Tárbıelik: Bir – birimen tatý, dos bolýǵa tárbıeleý.
Qoldanylatyn kórneki quraldary: Sýretter, slaıd, qylǵan adamdar sýretteri, jer shary (globýs) túrli - tústi boıaýlar, oıynshyq.
UOQ barysynda qoldanylatyn ádis - tásilder: Suraq – jaýap, kórsetý, túsindirý, áńgimeleý, kórnekilik, sergitý sáti.
Tárbıeshi: Sálemetsizder me, balalar?! Men sizderdi kezdestirgenime óte qýanyshtymyn. Qanekeı balalar uıymdastyrylǵan oqý qyzmetimizdi bastamas buryn boıymyzdy sergitip alaıyq.
Shattyq sheńber:
Qane, qane turaıyq,
Úlken sheńber quraıyq.
Oń jaqtaǵy kórshige,
Sol jaqtaǵy kórshige,
Kúlimsireı qaraıyq.
Qoldy kókke sozaıyq,
Bárinen de ozaıyq!
Qushaqtasyp ár kezde,
 Tatý tátti turaıyq!
Tárbıeshi: Balalar, qazir jyldyń qaı mezgili?
Balalar: Qazir jyldyń kúz mezgili.
Tárbıeshi: Kúz mezgilinde neshe aı bar?
Balalar: Kúz mezgilinde 3 aı bar.
Tárbıeshi: Kúz mezgiliniń aılaryn atańdarshy
Balalar: Kúz mezgiliniń aılary qyrkúıek, qazan, qarasha.
Tárbıeshi: Qazir qandaı aı?
Balalar: Qazir qarasha aıy.
Tárbıeshi: Bir aptada neshe kún bar?
Balalar: Bir aptada jeti kún bar.
Tárbıeshi: Búgin aptanyń qaı kúni?
Balalar: Búgin aptanyń sársenbi kúni
Tárbıeshi: Durys, jaraısyńdar balalar, endeshe taqtaǵa qarandarshy, mynda sóz jasyrylǵan eken, al sózdi tabý úshin jumbaqty shesheýimiz kerek, sonda búgingi óttiletin sabaǵymyzdyń taqyrybyn ashamyz.
Sender jumbaqty sheshseńder barlyq áripter ashylady.
1. Sol aıaqpen – oń aıaq,
Kezek ony tebedi,
Ol tynymsyz domalap,
Zyr júgire beredi.
(Dop)
Tárbıeshi: Dop sózinde birinshi qandaı dybys estilip tur?
2. Ájem kórpe tigedi,
Betine órnek salady.
(Oıý)
3. Syrt - syrt etedi,
Ýaqyt ótedi.
(Saǵat)
4. Aq kóılekti kók jelek,
Ormanda orny bir bólek.
(Tal)
5. Kese, shyny, pıala,
Onsyz sháı quıama?
Qasyqsyz tamaq ishpeımiz,
Onyń bárin ne deımiz.
(Ydystar)
6. İshi jumsaq, syrty qatty,
Eti qyzyl, súti tátti.
(Qarbyz)
Tárbıeshi: Balalar qarańdarshy qandaı sıqyrly sóz shyqty.
Balalarmen birge oqımyz D O S T Y Q.
Tárbıeshi áńgimeleıdi: Búgingi taqyrybymyz «Dos bolaıyq bárimiz» - dep atalady.
Dos, dostyq degenimiz adamdar arasyndyǵy jaqsy qarym - qatynasty, bir - birine degen súıispenshilik, janashyrlyq sezimin aıtamyz.
Dostar bir - birin renjitpeıdi, kerisinshe naǵyz dostar bir - birin qurmetteıdi, syılaıdy, keshirimdi bolady.
Dostyq sezim tek qana adamdar arasynda emes, el men eldiń arasynda da bolady. Mysaly bizdiń Qazaqstan Respýblıkasy basqa memlekettermen dostyq qarym - qatynasta. Balalar sender de bir - birlerińdi renjitpeı tatý - tátti oınasańdar, bir - birińe syıly bolyńdar, senderde de dostyq sezim paıda bolady.
Dostyq týraly sýretter kórsetý.
Dostyq týraly taqpaq suraý
Abdýrrahman: Eki degen ‒ eki dos,
Birin‒biri syılaıtyn.
Artyq kemdi etpeı sóz,
Birin biri syılaıtyn.
Aızere: Baldyrǵan balamyz,
Dosty kóp tabamyz.
Qashan da, qaıda dep
Dostar bir birine senimdi bolamyz.
Alı: Dostar birge júremiz.
Birge oınaımyz kúlemiz.
Birge balyq aýlaımyz.
Mine bizder qandaımyz.
Nazym: Adal dos barlyq jerde kerek eken.
Ómirde dostyń orny bólek eken
Jaqsy dos jadyratsa, jan dúnıeńdi.
Jaman dostan jamandyq keledi eken.
Tárbıeshi: Balalar, sender dos degendi qalaı túsinesińder?
Balalar:
- Dostar birin - birin aldamaıdy, birin - biri renjitpeıdi.
- Dostar bir - birine kómektesedi.
Tárbıeshi: Endeshe, sender dostaryńnyń qandaı bolǵanyn qalaısyńdar?
Balalar:
Alı: - Men dosymnyń ótirik aıtpaıtyn shynshyl bolǵanyn qalaımyn.
Tomırıs: - Men dosymnyń adal, meıirimdi bolǵanyn qalaımyn.
Aızere: - Al, men dosymnyń aqyldy, namysty bolsa eken deımin.
Tárbıeshi: Balalar, senderdiń dostaryń bar ma?
Balalar: - Biz bárimiz dospyz.
Tárbıeshi: Nelikten olaı oılaısyńdar?
Balalar:
Esnazar: Biz topta bárimiz tatý - tátti oınaımyz. Álemdegi bar adamǵa tek jaqsylyq oılaımyz.
Haqnazar: Biz birge oınaımyz, birge oqımyz, bir - birimizdi renjitpeımiz.
Tárbıeshi: Jaraısyńdar, balalar, sender aqyldy, adal dos ekensińder.

(Osy kezde jylaǵan balanyń daýysy estiledi)
- Balalar, bir sát tynyshtalaıyqshy, jylaǵan balanyń daýysy estiletin sıaqty.
Bala kiredi.
Tárbıeshi: Balaqaı, sen kimsiń?
Aıjuldyz: - Meniń atym Aıjuldyz.
Tárbıeshi: Al sen nege jylap tursyń?
Aıjuldyz: - Meni dostarym ózderimen birge oınatpaıdy.
Tárbıeshi: Nege oınatpaıdy? Múmkin sen olardy renjitken bolarsyń?
Aıjuldyz: Joq, joq, joq.
Osy kezde topqa bir qyz bala kiredi. (Aıanat)
Aıanat: Ia, ol óziniń jańa oıynshyǵyn bizge oınaýǵa bermedi.
Tárbıeshi: Aıjuldyz, seniń renjýińniń reti joq. Sen óz oıynshyǵyńdy olarǵa oınaı turýǵa bermepsiń. Ondaı qyzǵanshaq bolmaý kerek.
Aıanat: Apaı, biz Aıjuldyzǵa ózimizdiń biletin taqpaq, naqyl sózderimizdi aıtyp bereıik.
Dosym kóp bolsyn deseń,
Aıtpa jalǵan eshqashan,
Shynshyl bol, árqashan.
Erhan: Dos bolsań berik bol, dosyńa serik bol.
Sabına: Dosyń úshin doly boranǵa da shyda.
Bekarys: Kel Aıjuldyz, bizdiń dostyq sheńberimizge qosylyp, bizben dos bol.
Tárbıeshi: Balalar bári otyrady.
Aıjuldyz: Rahmet, men de sendermen dos bolaıynshy.
Dıdaktıkalyq oıyn: «Meniń kóńil kúıim»
Sergitý sáti:
(Erandaǵy jasap jatqan qımylǵa qosylyp jasaıdy)
Sýretti aıaqtaımyz
Qıylǵan adamdardy násil bólemiz, sary, aq jáne qara osylardy
túrli – tústi boıaýlarmen boıaımyz. Dóńgelek jer sharyna jınaımyz.
Balalarǵa qorytyndy suraqtar qoıý.
1. Balalar búgin bizder ne týraly áńgimelestik?
2. Dostyqty qalaı túsindińder?
3. Búgin sabaqta bizder ne jasadyq?
Júrekten júrekke sheńberi.
Balalar óleń joldaryn daýystap birge aıtaıyq.
Baldyrǵan balamyz.
Qashan da, qaıda da,
Dostar bir - birimizge,
Senimdi bolamyz.
Qoldaryndaǵy ádemi júrekshelerimizdi bir – birimizge syılaıyq.

Aqtóbe qalasy № 52 «Qulager»
balabaqshasynyń tárbıeshileri
Ahaeva Aıgýlá Erjanqyzy