InfoHub Logo

Sabaqtyń taqyryby: «Dossyz ómir bos»!
Sabaqtyń maqsaty: Dostyq týraly jaqsy pikir qalyptastyrý; Oqýshylardyń dostyq týraly oı - pikirlerin damytý; Dostyqty qadirleı bilýge tárbıeleý; adal dos taba bilýge baýlý
Sabaqtyń ádisi: trenıń Sabaqtyń kórnekiligi: Dostyq týraly naqyl sózder.

Sabaqtyń mazmuny:
Júrgizýshi: Dostyq – adamdardyń bir - birin jany qalap, shyn jaqyn kórip, qaltqysyz senip, tilektes, murattas bolýy. Dostyq týraly uly fılosoftar men aqyn - jazýshylarǵa qosa, ustazdar men pedagog - psıholog ǵalymdardyń oı tolǵamaǵany, onyń mánin, syryn bilýge talpynbaǵan adam kemde - kem. Munyń ózi dostyqtyń adam ómirinde alatyn keleli ornyna, mańyzyna baılanysty ekeni daýsyz.
Biz búgin jas urpaq arasynda «Dos. Joldas. Qurby - qurdas» degen taqyrypta pikirlesý keshin uıymdastyryp otyrmyz. Maqsatymyz dostyq týraly oı pikirlerin bilý, dostyqty qadirleı bilýge shaqyrý, adal dos taba bilýge baýlý, ıaǵnı Musa Jálel aıtqandaı:
«Shyn dos úshin qalaıda
Tik qaterge basyńdy.
Aıyra bil alaıda
Dosyń menen qasyńdy».
Sizderdi biz «dostyq» týraly taqyrypta syrlasýǵa shaqyramyz. Oılarymyzdy jınaqtap alǵansha «Dostar» ánin tyńdaıyq.

Júrgizýshi: Eń áýeli «Dostyq týraly» uly ǵulama, oıshyldardyń aıtqan sózderinen úzindiler keltireıik.
Nazgúl: Erte zamannyń oıshyly jáne asqan sheshen, ejelgi rım memleket qaıratkeri Mark Týllıı Sıseron «Dostyq óz boıyna qanshama san alýan paıdaly nárselerdi biriktirgen deseńizshi! Qaıda barsańyz da, ol sizge qyzmet etedi, ol barlyq jerde bar, ol eshqashan da mezi qylmaıdy, eshqashan da orynsyz kıligetin jeri bolmaıdy, ol sáttilikke jańa sáýlet beredi, ol ortaqtasqan sátsizdikter de kóp mólsherde óziniń ýytyn joǵaltady,»- deıdi. Dostyq adamnyń ómirdiń ózindeı san boıaýly, kóp qyrly qasıetti, sondyqtan birer sózben onyń tolyq anyqtamasyn berý múmkin emes. Áıtse de, uly sheshenniń joǵaryda keltirilgen sózderinde uǵymnyń basty mánderi kóregendikpen ashyp kórsetilgen.

Arýjan: Al, ejelgi grek fılosofy, ǵalym, oıshyl Arıstotel bylaı degen eken: «Dostyq – ómir úshin eń qajetti nárse, óıtkeni eshkim eshqashan da ıgilikke túgel ıe bola tursa da, dos – jaransyz ómirdi qalamaq emes».
Júrgizýshi: Jaqsy, endi dostyq týraly oılaryńyzdy bileıik.
O q ý sh y l a r d a n «d o s t y q» t ý r a l y o ı l a r y n s u r a ý.
Júrgizýshi: Qandaı adamdar dosqa laıyq?
Abylaı: Adamdar arasyndaǵy dostyq sezimi ómirde olardyń birin - biri qajetsinýinen, qurmet tutynýynan, shynaıy tilektestik pen ózindeı kórip senýinen, bir - birine tirek, medet bolýynan, qam - qaıǵysyz kezde ǵana emes, ásirese, qıyn - qystaý kúnderinde irkilmesten qasynan tabylýdan, rıasyz, esepsiz jomarttyqtan kórinedi. Abaı armandaǵandaı, syn saǵatta «Munan meniń qaı janym aıaýly»,- dep, qasyńda birge turyp qana alatyn adam ǵana dosqa laıyq.
Júrgizýshi: Durys aıtasyń. Endi, myna bir kóriniske nazar aýdaralyqshy.
1 – kórinis
Maral etigi jyrtylyp qalǵandyqtan sabaqtan birneshe kún qatarynan qaldy. Ony synyptasy Qarlyǵash izdep úıine keldi.
- Maral, kópten sabaqta joqsyń ǵoı. Aýyryp qalǵan joqsyń ba?
- Joq, aýyrǵan joqpyn. Etigim jyrtylyp qaldy. Jańasyn alatyn úıde aqsha bolmaı tur.
- Men etigimdi jóndetip alyp kele jatyr edim. Meniń ázirshe kıetin etigim bar ǵoı. Sen kıe tur
- Mamań uryspaı ma?
- Mamama túsindirip aıtamyn ǵoı.
- Rahmet! (Maral etikti kıip alady da birge shyǵyp ketedi)