Dýbaıda 8 mınýtta 200 esep shyǵarǵan 7 jasar aqtóbelik oqýshy birinshi oryn aldy
Dýbaı qalasynda ótken HHİ halyqaralyq mentaldi arıfmetıka jarysynda 8 mınýtta 200 esep shyǵarǵan 7 jasar aqtóbelik oqýshy birinshi oryn aldy dep habarlaıdy aktobenews.kz.
Alına Álıeva Aqtóbe qalasyndaǵy №3 mekteptiń 2 synyp oqýshysy. Ol qaladaǵy mentaldi arıfmetıka kýrsyna 5 jasynan bastap qatysqan. Aptasyna bir ret 2 saǵattyq kýrsqa qatysyp júrgen oqýshy halyqaralyq jarystan júldemen oraldy.
"Qyzymdy 2014 jyldyń 1 qarashasynan bastap mentaldi arıfmetıkaǵa aparyp júrmin. Qyzymniń eki jyl ishinde kórsetken jetistikteri jaman emes. 2015 jyldyń 1 naýryzynda ótken úshinshi respýblıkalyq baıqaýda úshinshi oryndy alǵan bolatyn. Al mamyr aıynda ótken tórtinshi respýblıkalyq baıqaýdan ekinshi oryn alyp keldik", — deıdi Alınanyń anasy Aıgúl Bakıeva.
Birneshe ret baǵyn synap júrgen Alına 2016 jyldyń 11 qarashasynda Dýbaı qalasynda ótken HHİ halyqaralyq mentaldi arıfmetıka jarysynda birinshi oryn alǵan. Jarysqa 57 elden 4 myń oqýshy qatysqan. Balalarǵa 8 mınýtta 200 esep shyǵarý tapsyrylǵan.
"Jasyna qaramastan qyzym tapsyrmany jaqsy oryndady, besinshi deńgeılik esepterden múdirgen joq", — deıdi anasy.
Halyqaralyq jarysqa Qazaqstannan 68 bala qatysqan. Aqtóbeden jalǵyz ózi barǵan Alına Álıeva júldemen keldi.
You Might Also Like
-
- Amsterdam — Nıderlandtyń eń iri qalasy, ári astanasy. - Qala aty Amstel ózeniniń boıynda ornalasqanyna bógenge qatysty atalǵan. Qala negizi 12 ǵasyrda kishkene balyq aýlaýshylar eldi-mekeni ...
-
Aldaǵy ýaqytta oblystyq qazyna esebinen shyǵarylatyn kitaptarǵa baqylaý kúsheıtilmek. Bul jaıly OQO oblystyq máslıhattyń turaqty komısıasy otyrysynda aıtyldy. Halyq qarjysyna sapasyz dúnıeler basyly...
