InfoHub Logo

Ádebıettik oqý pániniń sabaq ázirlemesi
3 – synyp
Sabaq taqyryby: Dúkende

Sabaq maqsaty:
Bilimdilik:
Oqýshylardy mátindi túsinikti meńgerýge jaǵdaı jasaý; Mátinnen qıyn sózderdi taba alýǵa úıretý; Mánerlep oqý daǵdysyn arttyrý;
Damytýshylyq:
Oqýshylardyń shyǵarmashylyq qabiletin damytý; Keıipkerdiń is - áreketin synı turǵydan baǵalaý;
Tárbıelik:
Oqýshylardy úlkendi syılaýǵa, mádenıetti qarym - qatynasqa tárbıeleý;

Sabaq túri: oıyn sabaq
Sabaqtyń ádisi: toppen jumys, jeke jumys, suraq – jaýap, «İshine – syrtyna» strategıasy
Kórnekilikter: sýretter, tarazy, alma
Pánaralyq baılanys: qazaq tili, dúnıetaný

Sabaq barysy:
İ Qyzyǵýshylyǵyn oıatý.
Qýanysh sheńberi (bala ózin dostyq sheńberine qabyldanǵanyn sezinedi, ózine senim artady)
Úlkenge de siz,
Kishige de siz,
Barsha jandy qurmettep
Bas ıemiz biz.
Sabaqty oıynmen bastaımyz, bul oıynnyń maqsaty: jańa sabaq taqyrybyn ashýǵa daıyndyq retinde qoldaný.
Kim mamandyqtyń atyn jyldam tabady?
Bilimniń nárin teretin,
Balaǵa tálim beretin. (muǵalim)
Aınytpaı kelbetti
Salatyn sýretti. (sýretshi)
Búgingi taqyrybymyz satýshy mamandyǵymen baılanysty bolady.

İİ Maǵynany ashý
1) Mátinmen jumys (mátindi oqýdyń birneshe túrlerin alýdaǵy maqsaty: oqýshylardyń oqý daǵdysyn arttyrý)
mátindi muǵalim oqıdy
İ top Mátindi tizbektep oqıdy
İİ top Mátindi kúbirlep oqıdy
İİİ top Mátindi rólge bólip oqıdy
2) Sózdikpen jumys (mátindi mazmunyn tolyq túsiný úshin jáne sózdik qoryn molaıtý úshin qoldanamyn, oqýshylar sózdikti dápterge jazady)
Qos judyryqtaı - úlken
Bedireıip tura berdi – kóńil bólmegendeı tura berdi
Tilalǵysh – jumsaǵanǵa júgirip bara beretin, aıtqan jumysty eki ettirmeı qaltqysyz oryndaıtyn adam
Zyta jóneldi – qasha jóneldi
3) «İshine – syrtyna» strategıasy arqyly balanyń jaǵymdy, jaǵymsyz jaqtaryn kórsetińder
(Maqsaty: keıipkerdiń jaǵymdy, jaǵymsyz áreketterin baǵalaı bilý)

Jaǵymdy
Anasynyń aıtqanyn tyńdap dúkenge barady
Jaǵymsyz
Satýshynyń aıtqanyn estimegendeı bolyp tura beredi

İİİ Oı tolǵanys
1) Kórinis kórsetý Oryntaı men satýshy arasyndaǵy áńgimeden úzindi kórsetiledi
Rólde oınaıtyndar: Satýshy jáne Oryntaı
(Maqsaty: oqýshylar ózin erkin aıta bilý jáne qorshaǵan ortada ózin ustaı bilýge tárbıeleıdi)
Satýshy:
- Qarǵam, túsken almany áperip jibershi, - dedi.
- Apaı, siz jaqqa domalap ketken eki almany áperińizshi, - dep ótindi.

2) Jeke oqýshymen jumys
1 - tapsyrma
Mátindi oqyp, mazmuny boıynsha jospar qur.
2 - tapsyrma
- Osy mátinnen ózińe ne aldyń?
3 - tapsyrma Suraqtarǵa jaýap ber
- Kim ókindi? Kim uıaldy? Kim kimniń qateligin betine basyp aıtty?

3) Mátin mazmunyna saı maqal – mátelder aıtyp, maǵynasyn túsindir.
Dos jylatyp aıtady,
Dushpan kúldirip aıtady.
Úlkenge qurmet,
Kishige izet.
Qorytyndy.
Baǵalaý
Úı tapsyrmasy
Mátin mazmunyn aıtý, «Sen úshin uıaldym» taqyrybyna esse jazý
Júrekten – júrekke
Ár oqýshy janyndaǵy dosyna júrekke jyly sóz jazyp beredi