InfoHub Logo

Sabaqtyń taqyryby: Ekologıa jáne biz
Maqsaty: Tabıǵatty qorǵaý, ekologıalyq tárbıe negizderin qalyptastyrý
Bilimdilik: Qorshaǵan ortanyń sapasy jáne lastanýy týraly, syrtqy ortanyń barlyq faktorlarynyń bir - birine baılanystylyǵy, onyń ishinde biiz jáne tabıǵat baılanystylyǵyn bilýge úıretý;
Damytýshylyq: Oqýshylardyń sabaqqa degen qyzyǵýshylyǵyn, belsendiligin arttyrý, óz betimen jumysqa daǵdylanýǵa, ózin - ózi tanýǵa, til mánerin, oı - órisin damytýǵa beıimdeý.
Tárbıelik: Tabıǵatty qorǵaı alatyn adamgershiligi mol, izgilikti, mádenıetti urpaq tárbıeleý
Kórnekiligi: Tabıǵat týraly qanatty sózder, slaıdtar, túrli sýretter, maqal mátelder, jumbaqtar.
Sabaqtyń ádis - tásilder: suraq - jaýap, taldaý, túsindirý, toppen jumys.

Sabaq barysy:
Uıymdastyrý kezeńi:
Bári hormen:
Amansyń ba, Altyn kún!
Kúnniń kózi ashylsyn,
Kókke shýaq shashylsyn
Qutty qonaq kelipti
Tórimizge enipti
Al, qanekeı bárimiz
Sálem deıik úlkenge
Sálemetsizder me, apaılar!

Kirispe sóz:
Tabıǵat - qoǵamnyń qorǵany. Alǵashqy qaýymnan qazirgi ǵarysh dáýirine deıin adam balasynyń ómir súrýge qajet barlyq muqtajyn tabıǵat óz qazynasymen jomarttyqpen óteýde. Ómirine, ekonomıkalyq – geografıalyq jaǵdaıyna, tarıhı damýyna qaraı qazaq halqy tabıǵat qoınaýynda birge ósip, bite qaınasyp kele jatyr.
Mundaı jaqyndyq olardy tabıǵatyń baýyry, janashyry etip jibergen. Halyqtyń tabıǵatty qadirlep - qasterleýge sezimin búkil ómir taǵylymynan kezdestiremiz.
Balalar tabıǵat degende oıymyzǵa ne keledi?

Tabıǵat — ol Ósimdik. Ósimdik — bul jasyl jelek, kók maısa quraq, qyzyl - jasyl gúlder. Ósimdik ashyqqanda — tamaq, shóldegende — sýsyn, ystyqta — kóleńke saıa, sýyqta - pana, aýyrǵanda — dári, renjigende — qýantatyn tabıǵattyń sulý kórki — gúl. Ósimdik taza aýa, elimizdiń dáýleti — jasyl jelek, orman.

Kezekti oqýshylardyń tabıǵat týraly taqpaǵyna bereıik:
Sý degen tirshiliktiń qany emes pe,
Sý degen tabıǵattyń jany emes pe!
Sý joq jerde ómir joq, ol, aqıqat,
Kúmis sý, qara jerdiń sáni emes pe!

Topyraqtan ómir ıisi shyǵady
Ony deneń tıip ketse uǵady.
Eńbegińdi esesine beretin,
Jaqsylyq ta topyraqtan shyǵady.

Tabıǵat sende bári ortaq,
Aspanyń, kúniń, aıyń da.
Teginde janyń jomart — aq,
İzgilik jatyr boıynda.

Tabıǵat, qyzyǵam seniń sýretińe,
Bas ıem seniń qudiretińe.
Turasyń kúlli álemge nur taratyp,
Tutqasy tirshiliktiń kún betinde.

Búgingi taqyryp tabıǵatqa, Jer ekologıasyna, onyń ishinde Qazaqstan ekologıasyna ıaǵnı bizdiń ólkemizdiń ekologıasyna arnalǵanyn uqqan shyǵarsyńdar.

Sózdik jumys
Ekologıa - «eıkos» - úı, «logos» - bilim – qorshaǵan orta týraly bilim degen sózdi bildiredi. Al endi, biz tabıǵattyń bólshekterin qarastyryp shyǵaıyq. Qorshaǵan ortanyń ekologıasyn zertteıik.
— Balalar, qazir biz Qazaqstannyń ásem tabıǵaty týraly jáne oǵan tıip jatqan zardaptar týraly vıdeofılm kóremiz.
(taldaý jumysyn júrgizý)
— Kelesi kezekti tapsyrmalarǵa beremiz.
1 - jaǵdaıat. Arman baq ishinde kele jatyr edi, terek butaqtaryn syndyryp, jatqan ba - lalardy kórdi - de, turyp qaldy…
Suraq:
1. Arman ne istedi dep oılaısyńdar?
2. Arman qandaı bala?
3. Butaq syndyryp jatqan balalar qandaı eken?
2 - jaǵdaıat. Serik dostarymen birge aýyl syrtyndaǵy bulaqqa keldi. Ol bulaqtyń kóziniń qaldyq shópter, bosaǵan ydystar men qoqystardan bitelip qalǵanyn kórdi…
Suraq:
1. Seriktiń áreketi qanda bolady dep oılaısyńdar?
2. Seriktiń boıynan qandaı qasıetterdi kórýge bolady?
3. Bulaqtyń kóziniń bitelip qalýyna kimder kináli dep oılaısyńdar?

Ekologıa jáne biz júkteý