InfoHub Logo

«Elbasy - el kósemi» tanymdyq sabaǵynyń jospary (slaıdymen)
Sabaqtyń maqsaty:
Bilimdilik: Qazaqstan Respýblıkasynyń Tuńǵysh Prezıdenti N. Á. Nazarbaevtyń ómiri men patrıottyq sezimderdi uıalatý. Bolashaqta otanymyz Qazaqstandy órkendetýge bilimdi, bilikti adamdar kerek ekenin ańǵartý.
Damytýshylyq: Oqýshylardyń sóıleý mádenıetin, óz oıyn ortaǵa salý daǵdylaryn jetildirý.
Tárbıelik: Rýhanı - adamgershilikke tárbıeleý, jalpy adamı qasıetterge ıe bolatyn tulǵa qalyptastyrý. Elimizdiń bolashaǵy jas óspirimderdiń Otan aldyndaǵy boryshyn óteýge tárbıeleý.
Tárbıe saǵatynyń túri: tanym saǵaty

Sabaqtyń kórnekiligi: «El tańdaǵan Prezıdent» jáne «Qazaqstannyń Tuńǵysh Prezıdenti N. Á. Nazarbaevtyń shyǵarmalary» atty kitap kórmesi, ǵalamtordan beıne taspa, Prezıdenttiń mańyzdy dáıeksózderi jazylǵan paraqshalar, sabaqtyń mazmunyn beıneleıtin slaıdtar, taratpa materıaldary. Sharlar, lentalar, «Balalyq shaǵymnyń aspany» fılminen fragmentter

Sabaqtyń barysy:
Uıymdastyrý kezeńi: Synyp bólmesi merekege arnalyp bezendiriledi. N. Á. Nazarbaevtyń «Elim meniń» áni oınap turady. Oqýshylar sabaqqa shaqyrylǵan qonaqtardy qarsy alady, odan keıin eki topqa bólinip otyrady.
Arnaıy shaqyrylǵan qonaqtar:
Mekteptiń ákimshiligi, «Jas Otan» uıymynyń músheleri, oqýshylar, oqytýshylar.
Sabaqtyń barysy: «Balalyq shaǵymnyń aspany» fılminen fragmentter kórsetilip, suraq - jaýap ótkizilip, sabaqtyń taqyryby anyqtalady.

Muǵalimniń kirispe sózi: Qurmetti, oqýshylar! Qazaqstan Respýblıkasy Parlamenti qabyldaǵan Zańǵa sáıkes 1 jeltoqsan – Qazaqstan Respýblıkasynyń Tuńǵysh Prezıdenti Kúni – Memlekettik mereke retinde belgilengenin bárimizge belgili. Qazaqstan Respýblıkasynyń Tuńǵysh Prezıdenti Nursultan Nazarbaev memlekettiń birligin, Konstıtýsıasyn, adam men adamzattyń quqyqtaryn jáne bostandyqtaryn qorǵaýdy qamtamasyz etken jańa táýelsiz memlekettiń negizin qalaýshy bolyp tabylady.
- Qazaqstan Respýblıkasynyń tuńǵysh prezıdenti Nursultan Nazarbaev Ábishuly sıaqty talantty tulǵanyń, halqyn súıetin ultjandy azamatty
bilmeıtin adam balasy joq. Alty jastaǵy baladan alpys jastaǵy qartta
amandyǵyn tilep, tileýles bolyp otyrady.
Búgingi bizdiń sabaǵymyz 2 toptyń saıysy túrinde ótpek. Qane, balalar, senderde óz bilimderińdi synap kórińder.
İske sát! Búgingi sabaq barysynda, Qazaqstan Respýblıkasynyń Tuńǵysh Prezıdenti Nursultan Ábishuly Nazarbaevtyń tulǵalyq bolmysyn sıpattaı otyryp, onyń el kósemi ekenin aıqyndaý.
Endi kezekti toptarǵa bereıik. Árbir durys oryndalǵan tapsyrmaǵa, durys jaýapqa bir asyqtan alyp otyrasyńdar.

İ kezeń: Qazaqstan Respýblıkasynyń Prezıdentiniń ómirbaıanynan qysqasha mátindi berilgen sózderdi sóılemderge aınaldyra otyryp baıandaý.
Eki topqa konvertte sózder, jelim, qaǵaz beriledi.
1 - top: Nursultan Nazarbaev 1940 jyly 6 shildede Almaty oblysynyń Qarasaı aýdanynda Shamalǵan aýylynda dúnıege kelgen. Oǵan ájesi Myrzabala at qoıdy. Ol: «Meniń súıikti nemerem eki birdeı esimdi alyp júrsin. Onyń aty Nursultan bolsyn»- dedi. Álemdegi barlyq ájeler sekildi Myrzabala da nemeresiniń azamat bolyp qalyptasýyna erekshe eńbek sińirdi.

2 - top: Jas kezinde Nursultan mekteptegi eń úzdik oqýshynyń biri boldy, sabaqty zor yqylaspen oqydy.
Ákesi Ábish 1903 jyly ómirge keldi. Ábish Nazarbaev kóńildi, qadirli adam boldy. Anasy Áljan 1910 jyly dúnıege kelgen. Áljan án salýdy unatatyn. Ol ulyn úlkendi syılaýǵa, ulttyq salt - dástúrlerdi qurmetteýge tárbıeledi.

SQO, Mamlút aýdany,
Mamlút sanatorlyq orta mektep – ınternatynyń
qazaq tili men ádebıeti páni muǵalimi Sambaeva Bıbisara Sháminqyzy