Elbasy QR BǴM-ge mektepterde bes kúndik oqý aptasyna kóshý jumystaryn bastaýdy júktedi
Búgin Parlamenttiń VI shaqyrylymynyń birinshi sesıasynyń ashylýyna arnalǵan QR Parlamenti palatalarynyń birlesken otyrysynda Elbasy Nursultan Nazarbaev Bilim jáne ǵylym mınıstrligine mektepterde bes kúndik oqý aptasyna kóshý jumystaryn bastaýdy júktedi.
«Ekonomıkalyq yntymaqtastyq jáne damý uıymyna ıntegrasıalanýdamyz jáne bizge bul baǵytta júıeli jumystar atqarýymyz kerek. Barsha damyǵan elderdegi mektepterde bes kúndik oqý aptasy engizilgen. Balaǵa ózin qalpyna keltirýge, pedagogqa demalyp, aldaǵy sabaqtarǵa daıyndalýǵa múmkindik beriledi. Keıbireýinde 4 kúndik oqý aptasy iske qosylǵan jáne búginde osyndaı formatqa kóshý damyǵan elderdiń jalpy álemdik trendine aınaldy. Oqytý aptasy qysqarǵan kezde bilim berýdiń nátıjeliligi artatynyn ǵalymdar ǵylymı túrde dáleldedi. Bizge de osy tájirıbeni engizý kerek. Osy turǵydaǵy sharalardy Bilim jáne ǵylym mınıstrligi bastaýysh synyptardan bastaýy qajet», - dedi Prezıdent.
Memleket basshysy Qazaqstandaǵy mektepterde keıbir pánder boıynsha balalarǵa aýyr salmaq túsip turǵanyn, osy oraıda keıbir pánderdi biriktirý kerektigin nemese oqý úderisinen alyp tastaý qajettigin atap ótti.
You Might Also Like
-
«Ult josparynyń» 79-shy qadamyn iske asyrý aıasynda Aqmola oblysynda aımaqtyń tórt mektebinde aǵylshyn tilin erte oqý boıynsha eksperıment bastaldy. Bul - Býrabaı aýdanyndaǵy Shýchınsk qalasy...
-
Árqaısymyz óz úıimizdi jaqsy kóremiz. Degenmen artyq jıhaz, jıǵan-tergen zattar, buıymdar men kıim-keshek onsyz da tar bólmeni odan saıyn taryltady. Bilim-all.kz bólme aýdanyn biraz keńeıtý úshin ınt...
