InfoHub Logo

«Elbasym – maqtanyshym» atty tárbıe saǵaty
Maqsaty:
a) Jas urpaqqa Nursultan Nazarbaevty qudiretti tulǵa ekenin tanytý.
á) Elimizge eńse tiktetip, memleketimizdi myǵymdap bergen, halqymyzdy álemge tanytyp, alash balasynyń abyroıyn asqaqtatyp Elbasynyń kisilik kelbetin meńgerý.
b) Elin súıgen, eli súıgen Elbasynan úlgi alýǵa tárbıeleý.
Kórnekiligi: slaıd, sózjumbaq, ánuran, óleńder, maqal – mátelder.
Túri: tárbıe saǵaty
1. Ánuran ( turyp aıtý)
— Balalar, biz qaı memlekette turamyz?
— Qazaqstan Respýblıkasynda.
— Iá, biz iri jer kólemi bar memlekette turamyz qarańdarshy kartaǵa dúnıe júzinde 9 - shy orynda.
— Elimizdiń qandaı rámizderin bilesińder?
— Eltańba, Kók tý, Ánuran.
— Bizdiń elbasymyz kim?
— Nursultan Ábishuly Nazarbaev. Ol prezıdent.
— Ia, balalar, bizdiń búgingi sabaǵymyzda Nursultan atamyzǵa arnalmaq.

Sebebi 1 - shi jeltoqsan eń birinshi tuńǵysh prezıdentimiz Nursultan atamyzdy saılaǵan kún.
Birinshi jeltoqsan - Qazaqstan jylnamasyndaǵy umytylmas tarıhı kún. Osy kúni, ıaǵnı 1991 jyly 1 - jeltoqsanda elimizdiń syndarly shaǵynda tuńǵysh ret jalpyhalyqtyq saılaý ótkenin kópshilik umyta qoıǵan joq shyǵar.
Osy saılaýda Táýelsiz Qazaqstannyń negizin salýshy - Nursultan Nazarbaev óte joǵary daýyspen Qazaqstannyń Prezıdenti bolyp saılandy.
Saılaýǵa jurt bir kisideı qatysyp, Nursultan Nazarbaevty qoldap, daýys berdi.
Endi 1 – jeltoqsan – Prezıdent kúni bolyp taǵaıyndaldy.
Ómirbaıany oqylady. Madına, Beksultan, Darhan ómirbaıanymen tanystyrady. Slaıd kórsetý.

Ádebı montaj.
1. Eralı
Máńgi jaınap tursyn tań,
Kún mezgilsiz qyzbaıdy.
Jaqsy atamyz Nursultan
Kóp oılaıdy biz jaıly.

2. Ádilet
Ósiremiz ormanyn,
Biz sońynan eremiz.
Elbasynyń armanyn
Jerge gúl ǵyp egemiz.
3. Darhan
Otan – jerim, Otan – sýym,
Otan – qýat nár beredi.
Otan – ana, Otan – týym,
Otan máńgi gúldenedi.
4. Nurǵısa
Otan degen – atameken,
Otan degen – týǵan jer.
Otan – ana, Otan – úlken,
Qazaqstan týǵan el.
5. Kamıla
Nursultan atam – Elbasy,
El aǵalary – qolbasy.
Táýelsiz elin súıetin
Bar adam – onyń joldasy.
6. Aısý
Nursultandaı atamnyń
Eńbeginiń shegi joq
Baqyt tapty qazaǵy,
Júregine jaǵyp ot.
7. Qýat
Jelbiregen kók týy
Kóterildi jeńiste
Bizdiń halyq dán rıza
Elbasyǵa er iste.
8. Danelá
Prezıdent bolý – mártebe,
Ol – Allanyń qoldaýy.
El basqarǵan Nur aǵa,
Jol kórsetti joldaýy.
9. Dana
Qazaq degen halyqtyń
Baǵyna týdy Nur aǵa.
Synynan ótsek naryqtyń,
Arqańyz sizdiń Nuraǵa.
10. Zere
Qazaqstan – týǵan elim,
Yrys pen qut mekeni.
Kókke órlep dańqyń seniń
Ǵasyrlarǵa jetedi.
11. Fatıma
Meniń elim – Qazaqstan, júregim,
Tek ózińsiń - Otan Ana, tiregim.
Aman bolsyn elim, jerim, urpaqtar
Táńirden osy meniń tilerim.

Án: Jasa Qazaqstan (hor)

Interbelsendi taqtada daıyndalǵan maqaldyń jalǵasyn tabý.
1/Týǵan jerdeı jer bolmas,....
2/ Otan úshin otqa tús -...
3/ Óz eliń -...
4/ Týǵan jer -...
5/ Otansyz adam,...

Oqýshylardyń arasynda saıys ótkizý. Maqaldy jańylmaı aıt.
1. Otan – eldiń anasy
El – erdiń anasy.
2. Otandy súıý – otbasynan bastalady.
3. Pálen jerde altyn bar,
Óz elińdeı qaıda bar.
4. Týǵan jerdiń jýasy da tátti.
5. Aqqý kólin ańsaıdy,
Adam týǵan jerin ańsaıdy.
6. Ata qonys — altyn meken.
7. Atameken — anań eken,
Qysylǵanda panań eken.
8. Otan úshin eńbek etseń,
Halqyńnyń súıgen uly bolasyń.
9. Otan úshin kúres — erge tıgen úles.
10. Otan úshin otqa tús — kúımeısiń,
Aryń úshin alyssań — ólmeısiń.
11. Otany birdiń júregi bir,
Júregi birdiń tilegi bir.

Sózjumbaq sheshý. Sheshýi. Sózjumbaq "Elbasy"
Suraqtary:
1 N. Nazarbaevtyń alǵashqy mamandyǵy.
2. N. Nazarbaevtyń anasynyń esimi.
3. N. Nazarbaevtyń ákesiniń esimi.
4. QR prezıdentiniń týǵan jeri.
5. QR prezıdentiniń esimi.
6. N. Nazarbaevtyń ájesiniń esimi.