InfoHub Logo

Taqyryby: Elimniń erteńine qol sozamyn
Maqsaty: 1. Oqýshylardy Otanymyz - Qazaqstannyń tarıhy jáne tabıǵatymen, halqymen, baılyǵymen jalpylama tanystyrý. Memlekettik rámizderdi tanytyp ony qurmetteýge tárbıeleý. Elbasshymyz N. Á. Nazarbaev týraly maǵlumattar berý, onyń saıası baǵdarlamasy týraly túsinikter berý. Táýelsizdiktiń qalaı kelgendigi jáne onyń mańyzdylyǵy týraly túsinikter berý.
2. Eldi, jerdi, Otandy súıýge, qurmetteýge, rámizderdi dáripteýge, elbasshyny qurmet tutýǵa, úlgi tutýǵa, patrıottyqqa tárbıeleý.
3. Oqýshylardyń bolashaqqa degen senimin nyǵaıta otyryp, olardyń oı - pikirlerin damytýǵa múmkindik jasaý. Bolashaqta ózderiniń ornyn tabýǵa kómektesý. Bolashaqtyń azamaty qandaı bolý kerek degen taqyrypta shyǵarmashylyq qabiletterin damytý.
Kórnekiligi: Interaktıvti taqta, slaıdtar, plakattar, jalaýshalar, qanatty sózder.

Júrý barysy:
1. Kirispe sóz. 1 - slaıd. Elim meniń.
- Qurmetti ustazdar, ata - analar. 2v synybynyń Elimniń erteńine qol sozamyn atty tárbıe saǵatyna qosh keldińizder.
Qazaqstan - qazaq halqynyń atamekeni. Qazaqstannyń basty, ári óristi baılyǵy ol - halqy. Halqymyz jaǵdaıy jaqsaryp, umtyla alǵa adymdap barady. Bolashaqta bizdiń elimiz ári qaraı damyp, álemdik arenada óz ornyna ıe bolady dep nyq senemiz.
Mine, osyndaı elimizdiń egindi dalasy, kúmisin shashqan kólderi, kenge baı óńiri, malǵa toly órisi bolashaq urpaqqa keleshek azamattarǵa, ıaǵnı, senderge mura bolyp qalady. Elbasynyń Qazaqstan - 2050 baǵdarlamasynda: Qazaqstan keleshekte damyǵan memlekettiń birine aınalýy úshin munda turatyn barlyq halyqtar ózara dostyǵy men birligin nyǵaıtyp, sapaly bilim, sanaly tárbıe alý kerek,- delingen.
Endeshe, balalar, sizder Otandy súıýdi, eldi, jerdi súıýdi úırenip, Otandy qurmetteýge, dáripteýge tárbıelenip, elimizdiń búgini men erteńi týraly bilimderińizdi shyńdaısyzdar dep oılaımyn. El bolǵan soń sol eldi tanytatyn belgileri bolady, ıaǵnı, rámizderi bolady. Al, rámizderdi bilemiz be.
Sóz senderde, balalar.

2 - slaıd. Ánuranym - jan uranym
1 - oqýshy. Ánuranym - jan uranym,
Aıtar ánim - sóıler sózim.
Máńgi baqı shyrqalady,
Respýblıka ánurany
Qazaqstan Respýblıkasynyń Ánuranyn shyrqaý.
2 - oqýshy Q. R. Ánurany birlikke, yntymaqqa, dostyqqa qyzmet etedi. Jastardy erlikke, qaısarlyqqa, tózimdilikke, elimizdiń táýelsizdigin qorǵaýǵa shaqyrady.

3 - slaıd. Eltańba - eldigimniń belgisi.
3 - oqýshy Eltańba - ójettik, erliktiń belgisi,
Eltańba - táýekel, erliktiń belgisi.
Eltańba - kemeldik, keńdiktiń belgisi,
Eltańba - egemen eldiktiń belgisi
4 - oqýshy Qatar shapqan qos tulpar,
Aı astynda qazaq úı,
Qalyqtaǵan jas suńqar,
Sharyqtaǵan taza kúı.
5 - oqýshy Qara shańyraq - el kúni,
Asqaqtatyp tur muny.
Eltańbasy - eldigim,
Eldiń tynysh tirligi.

4 - slaıd. Týyń qandaı, tý qandaı.
6 - oqýshy Ózińdiki - týyń da,
Ot pen aýa sýyń da.
Jasa, Qazaqstanym,
Beldi bekem býyn da.
7 - oqýshy Týyń qandaı, tý qandaı,
Týra aspannan týǵandaı
Al, aspandy qazaqtyń,
Kóńilimen jýǵandaı.
Qyran qusyn samǵatyp,
Kún qushaqtap turǵandaı.
5 - slaıd Elimniń bar prezıdenti
8 - oqýshy Shyqty tarap oı danadan,
Beri qarady juldyz beti,
Ózi qalap saılap alǵan
Elimniń bar prezıdenti
9 - oqýshy Shyraq etip ómir nuryn,
Alys tartty aldaǵy jol.
El namysyn, eldiń júgin,
Arqalaǵan ardaǵym ol.