- 16 jel. 2023 00:00
- 276
Eńbek — baqytqa aparar jol
Kolbaev Azamat Kenjegalıevıch
Kórkem eńbek páni muǵalimi
Mańǵystaý oblysy Jańaózen qalasy
№21 Jalpy bilim beretin mektep KMM
Eńbek — bul adamnyń maqsatty áleýmettik paıdaly qyzmeti. Eńbek — qoǵam ómiriniń basty sharty bolyp tabylady. Óıtkeni, onyń arqasynda adamzattyń ómir súrýi úshin qajetti materıaldyq jáne rýhanı ıgilikter jasalady. Adamnyń is-áreketiniń arqasynda tabıǵı resýrstar ónimge aınalady. Eńbek — adamdy janýarlardan ajyratatyn eń mańyzdy belgi. Eńbektiń arqasynda adam tabıǵattaǵy tabıǵı resýrstardy ózgertip qana qoımaı, ózi jetilip aqyl-oı jáne fızıkalyq qabiletteri ósedi. Eńbek prosesinde adam tabıǵat kúshterin óz maqsattaryna baǵyndyrady. Qoǵam damyǵan saıyn eńbek bólinisi paıda bolady jáne tereńdeı túsedi. Eńbek óziniń mazmuny men sıpaty boıynsha aqyl-oı, fızıkalyq, bilikti (kúrdeli) jáne biliksiz (qarapaıym) bolyp bólinedi. Aqyl-oı eńbegi bul adamnyń oılaý áreketi. Buǵan-ınjener, dáriger, agronom, muǵalim, ǵalym jáne basqalardyń jumystary mysal bola alady. Dene eńbegi-bul adamnyń fızıkalyq belsendiligi. Buǵan mysaly — sharýalar, dıhandar t. b mysal bola alady. Bilikti jumys arnaıy daıyndyqty talap etedi. Damyǵan elder áldeqashan eńbek arqyly órkenıet jolyna túsken.
Eldiń eńse kóterip tabysqa jetýi úshin, halyqtyń bilimdi, bilikti, eńbekqor bolǵany mańyzdy. Al bilimde, ónerde adal eńbekpen keledi. Adal eńbegimen óz kásibiniń shyńyna shyqqan adamdy aınalasy eriksiz qurmetteıdi. Eńbek adamdy shynyqtyryp minez qulqyn qalyptastyrady. Adam erinbeı eńbek etý arqyly qýanyshqa, shattyqqa bólenedi. Árqashan eńbekpen jumys bastaǵanda senimmen jumys bastaýymyz kerek. Jumsalǵan eńbektiń bostan-bosqa ketpeıtinine sabyrmen senýimiz kerek, al senimsizdikpen jasalǵan is eshqashanda alǵa baspaıdy. Sondyqtanda jetistikke jetýdiń syry-qajyrly eńbek, sabyr etý, eńbegimizdiń bosqa ketpeıtinine sený bolyp tabylady.
«Sabyrly jeter muratqa, sabyrsyz qalar uıatqa»degen qanatty sóz teginnen-tegin aıtylmasa kerek. Eńbeksúıgish, eńbekqor jáne eńbekti baǵalaı bilgen adam ǵana baqyttyń dámin sezedi