InfoHub Logo

Mektep bitirýshi jas túlekter úshin aldymen mamandyqty, sodan soń sol kásiptiń qyr-syryn meńgertetin joǵarǵy oqý ornyn tańdaý — bolashaqqa jasalǵan eń mańyzdy qadamdardyń biri. Sebebi sizdiń bilim alyp júrgen ortańyz sizdiń tulǵa bolyp jetilýińizge tikeleı áser etedi. Bul jazbada men ýnıversıtet tańdaýda sizge kómektesetin birneshe keńestermen bóliskim keledi. 

Oqý ornyn tańdaýda qatelespeý úshin: 

1. Ýnıversıtetter usynǵan bilim berý baǵdarlamalarymen tanysyp, ózińizdiń qyzyǵýshylyqtaryńyzǵa jáne mansaptyq maqsattaryńyzǵa sáıkes keletinine kóz jetkizińiz. 

2. Ýnıversıtettiń, onyń kafedralary men oqytýshylarynyń bedeli týraly zertteýler júrgizińiz. 

3. Ýnıversıtettiń ornalasqan jerin qarastyryńyz. Ózińizdi jaıly sezinetin jerdi sheship, klımatty, mádenı ortany jáne qyzmetterdiń qoljetimdiligin eskerińiz. 

4. Oqý aqysyn, qarjylyq kómek nemese shákirtaqy alý múmkindikterin baǵalańyz.

5. Joǵarǵy oqý ornynda bilim berý qyzmetterin kórsetý úshin qajetti akredıtasıalar men lısenzıalardyń bolýyna nazar aýdaryńyz. 

6. Ýnıversıtet atmosferasy men mádenıetin túsiný úshin korpýstarǵa baryńyz jáne ashyq esik kúnderine qatysyńyz. 

7. Ár túrli saıttardan stýdentterdiń ýnıversıtetter jaıly pikirlerin oqyńyz. Osy oraıda ózim Joo.kz saıtyn usynǵym keledi, bul saıtta joǵarǵy oqý oryndary týraly pikirlerdi taba alasyz, sondaı-aq UBT balyńyzdy engizip qandaı ýnıversıtetterge túsýge múmkindigińiz bar ekenin bile alasyz. 

8. Stýdentterdiń belgili bir ýnıversıtetti aıaqtaǵannan keıin mamandyǵy boıynsha jumysqa ornalasý statısıkasyn, praktıkalyq tájirıbesiniń bolýyn zertteńiz. 

9. Eger siz basqa qalada oqýdy josparlasańyz, jataqhanalardaǵy jaǵdaı qanshalyqty jaıly ekenin bilýdi umytpańyz, óıtkeni jataqhana aldaǵy jyldary sizdiń ekinshi úıińizge aınalady. Stýdenttiń kez kelgen jerde uıyqtap, ne jeıtin kezderi ótkende qaldy degen úmit bar.

10. El-jurttyń aıtqanynan nemese jalǵyz qalyp qalýdan qorqyp dostaryńyzdyń artynan erip ýnıversıtet tańdamańyz. İshki qalaýyńyzdy eskerip, sizdiń bolashaǵyńyzǵa úlken múmkindikter usyna alatyn ýnıversıtetti tańdaǵanyńyz jón.

Qorytyndylaı kele, ýnıversıtetti tańdaý sizdiń bilimińiz ben bolashaq mansabyńyzdy anyqtaıtyn mańyzdy qadam ekenin aıtqym keledi. Eń bastysy ózińizdiń júrek qalaýyńyzdy tyńdańyz. Ómirińizdi qurý — óz qolyńyzda. Bilim jolynda sáttilik!

Baıserkına Madına

---