InfoHub Logo

Dóńgelek ústel qaıratkerdiń ómirden ótkenine 20 jyl,  «Muzǵa janǵan alaý» Jeltoqsan kóterilisine 35 jyl tolýyna oraı uıymdastyryldy.

Kúni búgin M.O.Áýezov atyndaǵy Ádebıet jáne óner ınstıtýty basshylyǵymen 2021 jyldyń 30 naýryzynda saǵat 11:00-de uly dala perzenti, kórnekti memleket jáne qoǵam qaıratkeri, jazýshy, aqyn, ǵalym Asanbaı Asqaruly Asqarovtyń ádebı murasyna arnalǵan dóńgelek ústel sharasy onlaın formatta oryn aldy .

Dóńgelek ústel – ulttyń tiregi, mol taǵlymǵa toly shyǵarmalarymen halyqtyń kózin ashyp, kókjıek tanym baǵdary bolyp otyrǵan tulǵalarmen tolyǵyp, árbir tyńdarmannyń qulaq boıyn shyńyldatyp, denesine rýhanı azyq bolar taǵlymǵa toly estelik – baıandamalarymen jalǵasyn tapty.

Dóńgelek ústel barysynda Asanbaı Asqarulynyń ónegege toly shyǵarmashylyǵy men úlgi bolar ómiri baıandalyp, tulǵany erekshe tolǵanyspen, saǵynyshpen, iltıpat – qurmetpen eske aldy. Asanbaı Asqarulynyń jazyp qaldyrǵan árbir eńbegi kúni búginde tarıh ǵylymy salasynda qundy málimet bolyp tabylsa, jalpy adamdyq adamgershilik qasıettiń de bir ushqyny beleń alady. Tyńdarmandar iltıpatyn bildirip, alǵystaryn jaýdyrǵan jıyn erekshe áser qaldyrdy. Sharaǵa qatysýshylar Asanbaı Asqarulynyń ómirimen, shyǵarmashylyǵymen tanysa kele,bolashaqqa baǵdar, ónegeli ómirdiń sıpatynan bir kórinis tapty. 

«Asanbaı Asqarulyn Turar Rusqylov tulǵasymen teńep, el bastaýshy birde – bir tulǵa», - degen júrekjardy ishki – tebirenister, aqıqat aqparattar aıtyldy. Ózge ult ókilinen, qandas túrik elinen Ashýr Ózdemır – PhD doktory, aýdarmashy qatysty. Ashýr Ózdemır A.Asqarovtyń óleńderin, kitabyn túrik tiline aýdarǵan, kitap barysyna toqtalyp, tulǵanyń ómiri men shyǵarmashylyǵyn ushtastyryp baıandama jasaǵan tulǵa retinde belgili. Ál-Farabı atyndaǵy Qazaq ulttyq ýnıversıtetiniń  dosenti, fılologıa ǵylymdarynyń kandıdaty, Rımma Serikqalıqyzy Jaqsylyqbaevanyń ónegege toly, júrekjardy baıandamasy tyńdarmannyń kóńilin jibitti. Bolat Eshmuhambetuly Kómekov, Orazaly Sábdenuly Sábden, Shámsha Kópbaıqyzy Berkimbaeva, Muqtar Qazybek ,Gúljahan Jumaberdiqyzy Orda, Baýyrjan Ómirjanuly Jaqyp,  Nurlan Myrqasymuly Orazalınderdiń árbir sózin tizbektep jazyp, ár sóziniń astary men maǵynasyna, úńilse túbine jeter - jetpesteımiz.

Dóńgelek ústeldiń altyn qazyǵy bolyp, Asanbaı Asqarulynyń tulǵasyn sózben aıshyqtap, bederlep jetkizgen, tyńdarman – kórermenderge arnaıy baıandama jasap, otyrystyń uıytqysy bolǵan ardaqty tulǵalardyń qatary QR UǴA-nyń akademıgi, tarıh ǵylymynyń doktory, profesor Bolat Eshmuhambetuly Kómekov, Orazaly Sábdenuly Sábden – QR UǴA-nyń akademıgi, ekonomıka ǵylymynyń doktory, profesor, Nurlan Myrqasymuly Orazalın – aqyn, dramatýrg, memleket jáne qoǵam qaıratkeri, QR Memlekettik syılyǵynyń laýreaty, Baýyrjan Ómirjanuly Jaqyp – aqyn, Qazaqstan Jazýshylar odaǵynyń Basqarma tóraǵasynyń orynbasary,  QR Joǵary mektep ulttyq ǵylym akademıasynyń korespondent-múshesi, QR UǴA korr-múshesi, Shámsha Kópbaıqyzy Berkimbaeva – memleket jáne qoǵam qaıratkeri, Rafael Nıazbekov – Qazaqstannyń eńbek sińirgen qaıratkeri, Sheshenstannyń ult namysy, QR «Parasat» ordenderiniń ıegeri, Samat Kóshenuly Ótenıazov – tarıhshy, tarıh ǵylym kandıdaty, Qazaqstandaǵy belgili ıspan tiliniń aýdarmashysy, Ispanıa men Latyn Amerıkasy jazýshylarynyń eńbekterin ıspan tilinen qazaq tiline aýdarǵan, Ashýr Ózdemır – PhD doktory, aýdarmashy, A.Asqarovtyń óleńderin túrik tiline aýdarǵan, Túrkıa, Muqtar Qazybek – Qazaqstan jazýshylar odaǵynyń múshesi, pýblısıs, Tolqyn Bolatbekqyzy Aıýbaeva – Shymkent qalasyndaǵy №77 mekep-lıseıdiń dırektory, Rımma Serikqalıqyzy Jaqsylyqbaeva – ál-Farabı atyndaǵy Qazaq ulttyq ýnıversıtetiniń  dosenti, fılologıa ǵylymdarynyń kandıdaty, Gúljahan Jumaberdiqyzy Orda – M.O.Áýezov atyndaǵy Ádebıet jáne óner ınstıtýtynyń bas ǵylymı qyzmetkeri, fılologıa ǵylymdarynyń kandıdaty, profesorlarmen tolysty.

«Er esimi – el esinde» , gaýhar kóńilge toly peıil – nıetpen uıymdastyrylǵan Asanbaı Asqaruly Asqarovtyń ádebı murasyna arnalǵan dóńgelek ústel erekshe kórinis aıbynyn tapty.

Sultan Baǵdat Sultanqyzy

Jýrnalısıka fakúlteti

1 -  kýrs stýdenti

---