InfoHub Logo

Búgingi suhbatymyzdyń qonaǵy QR erkin kúresten sport sheberi Dáýren Galymjanuly.

— Qosh keldińiz Dáýren. Aldymen ózińizdi qysqasha tanystyryp ketseńiz.

— Meniń esimim Dáýren, erkin kúresten QR nyń sport sheberiSportpen aınalysyp júrgenime 10 jyl ýaqyt boldy. Túrkistan oblysy, Saraǵash qalasynyń týmasymyn.

— Bul sport túrine qalaı keldińiz? 

—Osy sport túrine bala kúnnen qyzyǵýshylyǵym mol boldy. Qazaq bolǵannan keıin kúres qanymyzda bar. Keıinnen jarystarǵa shyǵyp, kúreske degen qyzyǵýshylyq odan ári arta tústi.

—Tamasha, Dáýren myrza. Jalpy sportta jeńis te bar, jeńilis te bar. Siz úshin jeńilis degen ne?

— Jeńilis arqyly adam óz qatelikterinen sabaq alýy tıis. Ekinshi jaǵynan jeńilis adamǵa motıvasıa beredi. Ózińniń qatelikterińdi kórip, kaıta qaıtalamaýǵa tyrysasyń.

—Nege bizdiń elden áli kúnge deıin Álem chempıony shyqqan joq? Qalaı oılaısyz, onyi sebebi nede?

— Negizi jastar arasynda jáne jasóspirimder arasynda Álem chempıondary bar. Al nege erler arasynda joq degen suraqqa jaýap beretin bolsam, kóptegen jastardyń shydamy sońyna deıin jetpeıdi. Mysaly jasóspirimder arasynda chempıon bolady da, ary qaraı talpynbaıdy. Sportty tastap, ketedi, basqa qyzyǵýshylyqtary paıda bolady. Aǵash bir jerde turyp kógeredi ǵoı. Sport ta sol sekildi. Shydamdylyqty talap etedi. Fokýsty bir jerge ustap turar bolsaq, bizden de Álem chempıony shyǵýy sózsiz.

— Iá, sizben tolyqtaı kelisemin. Qazirgi tańda shákirt tárbıeleýmen aınalysyp júrgenińizdń bilemiz. Jalpy shákirt tárbıeleýdeg ustanymyńyz qandaı?

—Iá, shákirt tárbıelep júrmin, 7-12 jas aralyǵyndaǵy balalar. Buıyrsa, bolashaq chempıondar. Osy aıdyń sońynda, Almaty qalasynda óetin jarysta baq synaımyz. Júldeli oralamyz degen úmittemin.

—Sizge tek qana sáttilik tileımin. Artqan senimińiz aqtalsyn. Al óz áriptesterińizge shákirt tárbıeleýde qandaı keńes berer edińiz?

—Ásirese jasóspirim balalardy daıyndaıtyn kezde óte muqıat bolyńyzdar. Sebebi, balanyń sportqa degen mahabbatyn ósirý de óshirý de tek sizdiń qolyńyzda. Ár túrli tehnıkalardy úıretkende esh qateliksiz oryndaýyn qadaǵalaý kerek.

—Durys aıtasyz. Al bolashaq chempıonnyń boıynda qandaı qasıet bolýy kerek?

—Tek sportta emes, kez kelgen salada jetistikke jetý úshin adam boıynan 3 qasıet tabylýy kerek. Tabandylyq, eńbekqorlyq jáne esep berý.

—Al endi, sońǵy suraǵym, aǵa retinde, sportshy retinde jastarǵa berer keńesińiz?

—Sportpen aınalsyńyz. Ózińiz úshin, bolashaǵyńyz úshin. Sporttyń adam ómirinde alar orny erekshe. Densaýlyq adamǵa berilgen eń úlken amanat. Amanatqa zıan tıgizbeı, qolda barda qadirin bilińizder.

Al Dáýren myrza, sózimizdi jerge tastamaı, suhbat berýge keliskenińiz úshin alǵysym sheksiz. Tek jaqsy kúnderde jolyqqansha qurmetti oqyrman. Aman saý bolyńyzdar.

Suhbattasqan Dana Galymjanqyzy Turan ýnıversıteti 4 kýrs stýdenti

---