InfoHub Logo

Nashar ekologıalyq jaǵdaılar, durys emes jáne júıesiz tamaqtaný, energetıkalyq sýsyndar, hımıalyq zattar, konservanttar, ártúrli elektrondy turmystyq tehnıkanyń sáýlesi, munyń bári adam aǵzasyna zıandy áser etedi. Búgin erler qaýymy úshin densaýlyqty saqtaýdyń jáne jastyqty uzartý úshin qajetti keńesimizdi usynamyz.

Fızıkalyq qozǵalys

Sportpen aınalysyńyz, kóbirek júrińiz, múmkindiginshe jıi qozǵalýǵa tyrysyńyz. Tańerteń 10-15 mınýt jattyǵý jasaý sizdiń kúni boıy sergek júrýińizge septigin tıgizedi.

Júıeli tamaqtaný

Er adamǵa barlyq organdardyń atap aıtqanda, jynystyq júıesiniń qalypty jumys jasaýy úshin júıeli tamaqtaný qajet. Durys tamaqtaný arqyly er adam erler jynystyq gormondary úshin qajetti materıalyn alady. Sondyqtan taǵamda maılardyń, aqýyzdardyń jáne kómirsýlardyń jetkilikti mólsheri bolýy kerek, sonyń arqasynda negizgi erkek gormony — testosteron da qalypqa keledi.

Testosteron deńgeıin ustap turý

Testosteron gormony erlerdiń densaýlyǵy úshin óte mańyzdy. Onyń jetispeýshiligi júıke jáne vegetatıvtik-tamyr júıesine ǵana emes (uıqysyzdyq, titirkený, este saqtaý qabiletiniń buzylýy, qan qysymnyń joǵarylaýy, terleý), sonymen qatar ómirge jáne jumysqa qabilettilikke, jalpy qyzyǵýshylyqqa keri áser etedi. Testosteron tapshylyǵy bulshyqet massasynyń tómendeýine jáne artyq salmaq pen maıdyń joǵarylaýyna sondaı-aq osteoporozdyń (osteoporoz — súıekterdiń juqaryp, nátıjesinde olardyń buzylý múmkindigi joǵarylaıtyn keń taraǵan aýrý, mundaı synyqtar aýrý sezimi, búkirlik, qozǵalýdyń qıyndaýy sıaqty ár túrli problemalar týyndatady) damýyna ákeledi.

Ýrologqa turaqty tekserilip turý

Er adamnyń densaýlyǵy eń aldymen onyń nesep-jynys júıesiniń jaqsy úılestirilgen jáne tıimdi jumysyna baılanysty, sondyqtan erler mamany (ýrologqa) barý turaqty bolýy kerek. Kóptegen aýrýlar sımptomsyz jasyryn júredi jáne er adamdy múlde mazalamaýy múmkin. Ókinishke oraı, er adamdardyń kópshiligi dostarynyń keńesimen nemese jarnamadaǵy (neshe túrli bal, qospalarmen) ózin-ózi emdeýdi qalaıdy. Shymshyq soısa da qasapshy soısyn demekshi, sapaly jáne tıimdi emdeý, mamandarmen ǵana júzege asady.

Temekiden bas tartý

Nıkotınniń zıany týraly aıtpasa da belgili. Alaıda kóptegen ertkekter temekini tastaýǵa qaýqarsyz. Nıkotın qan tamyrlarynyń jıyrylýyna áser etip qana qoımaı, er aǵzasyna qan berýdi azaıtatynyn este saqtańyz.

45 jastan keıin isik markerlerine turaqty (jylyna bir ret) qan tapsyrý

Eń qaýipti jáne jıi kezdesetin ýrologıalyq aýrý — ómirge qaýip tóndiretin prostata obyry (rak predstatelnoı jelezy). Zamanaýı dıagnostıka isik prosesterin nemese olarǵa beıimdilikti erte kezeńderde anyqtaýǵa múmkindik beredi.

Búgingi kúnińizden lázzat alý

Adamnyń baqyty syrtqy jaǵdaılarǵa emes, ishki dúnıetanymyna baılanysty. Hobbıi bar nemese kez kelgen nárseni jaqsy kóretin adam óz ómirin áldeqaıda sanaly jáne baqytty ómir súretini jáne ádette qurdastarynan áldeqaıda ózin jaqsy sezinetini dáleldengen. Ózińizge unaıtyn nárseni tabýǵa tyrysyńyz, ol sport bolsyn nemese koleksıa jınaý t.b. Eń bastysy nátıjeden emes — prosestiń ózinen lázzat alýdy umytpańyz

Oqýǵa keńes beremiz:

Qımyl tapshylyǵynyń zıany

Temekiniń mıǵa beretin zıandary

Salaýatty ómir salty úshin keńester

Nege adamdar 40 jastan asqan soń tolyp ketedi

30 jastan keıin sportpen qalaı aınalysýǵa bolady

Temeki tartýdyń saldary: nesimen qaýipti, qandaı zıany bar?

---