InfoHub Logo

Sabaqtyń taqyryby: Erlik - elge mura, urpaqqa uran.
Tárbıe saǵatynyń maqsaty: «Eshkim de, eshteńe de umytylmaıdy» degen qaǵıdany ustana otyryp, jas urpaqty tarıhymyzdy tereńnen tanýǵa baýlý. Oqýshylardyń Otan tarıhyna degen súıispenshilikterin arttyrý, jeńis saltanatyn kóre almaı ketken bozdaqtardyń erlik isterine taǵzym etýge, óz halqymyzdyń tarıhyn qurmetteı bilýge, dúnıe júzindegi basqa ult ókilderiniń dostyǵyn nyǵaıtýǵa tárbıeleý.

Uly keshke sengen kún,
Fashıserdi jeńgen kún.
Aǵalarǵa ergen kún,
Baqyt gúlin tergen kún - dep aqyn Qadyr Myrza Alı jyrlaǵandaı «Erlik – elge mura, urpaqqa uran» atty Uly jeńistiń 71 jyldyǵyna arnalǵan ashyq tárbıe saǵatymyzdy bastaýǵa ruqsat etińizder.
Kórinis: «Soǵys qasireti»
Nemeresi: Áje, áje! Búgin menen baqytty adam joq. Jańa ómirdiń baspaldaǵyn dáriger bop bastaǵym keledi.
Ájesi: Talabyńa nur jaýsyn, armanyńa jet balam! (kelini ydys alyp, kele jatyp, radıodaǵy habardy tyńdap turyp qalady.)
Radıo: Tyńdańyzdar! Tyńdańyzdar! Sóılep turǵan Moskva. Búgin, tańerteńgi saǵat 4 - te Nemis fashısteri Germanıa men Sovet odaǵynyń arasyndaǵy shabýyl jasamaý týraly shartty opasyzdyqty buzyp, bizdiń elimizdiń terıtorıasyna basyp kirdi.
Nemeresi:
- Attan!- dedi
Ol qazir attanady.
Jaýyngerdiń rolin atqarady.
Nege bizge úmitsiz tesilesiń?
Attan, áke,
Jolyńnan keshigesiń.
Keýdesinde jany bar paqyrlaryń,
Taýyp jeıdi sensiz de nesibesin.
Ákesi:
Tyńda balam, tyńda kúnim,
Bolýǵa jara qolqanat
Kári anam, sábı iniń,
Barlyǵy saǵan amanat.
Ájesi:
- Oralsyn aman jerine,
Kórissin týǵan elimen.
Kelin - aý kózdeı qaltaǵa
Topyraq salyp berip jiber.
Kelin:
Kebin kıgen óledi,
Kebenek kıgen keledi.
Úlken úıden dám tatsa,
Keshikpeı deıdi keledi.
Erkebulan.
HH ǵasyrdaǵy eń bir qandy qasiret soǵys edi. Sebebi, oǵan álem halyqtarynyń 80 paıyzy qatysty. Sondaı - aq, maıdan batalıasyna 61 memleket tartyldy, 40 eldiń jerin soǵys órti sharpydy, 100 mıllıon adam qolyna qarý aldy. Olardyń arasynda kóp ultty Keńes Odaǵy degen alyp el bar edi.
Islam.
Tań aldynda saǵat tórtti soqqanda,
Jyndy nemis syltaý tapty joqtan da.
Tutqıyldan tynysh jatqan samarqaý,
Shekaraǵa kelip saldy oırandy.
Uldana.
Osy habar ýaqytynda alyndy,
«Soǵysqa»dep dabyl qaǵyldy.
Qýanyshty jas júrekti sýytyp,
Basa qaldy lapyldaǵan jalyndy.
Oqýshy Mırov Bekulannyń oryndaýynda «Joıylsyn jalǵyz sóz soǵys degen»

Aıaýlym.
Qatyq quıyp ishken kúnim zereńge,
Elim,, seni endi qaıtyp kórem be?!
Qaıǵymenen, jetimdikpen ósip em,
Qyzyqty kún endi kórmeı ólem be?!
Otanyma bergen biraq antym bar,
Dedim sizge: Al, soǵysqa tartyńdar!
Uly otandy qorǵańyzdar aıanbaı,
Arttarynda sizge sengen halqyń bar!

Nurqanat.
Tastar kókke atyldy,
Orman shýlap, taý qulap,
28 batyrdy jeńe almady jaý biraq.
Jamyldy jer tumandy,
Órt ishinde qaldy baq.
28 qyrandy jeńe almady jaý biraq.
Oqýshy qyzdardyń oryndaýynda «Katúsha»áni oryndalady.

Qojaahmet
Jeńis kúni ardagerler ápergen,
Jelbiretip qyzyl týdy kótergen.
Týǵan elin jaý qolynda qaldyrmaı,
Erlikpenen el paryzyn ótegen.

Darıa.
Ardagerler, uzaq ómir súrińdershi,
Aramyzda ardaq bolyp júrińdershi!
Qurmetteıik jeńisti mamyrdaǵy,
Baqyttan rahattanyp kúlińdershi!
Ardagerler atalarǵa myń alǵys!
Qyzyǵyn syılaǵan bul dúnıeniń.
Keleshek urpaǵynyń baqyty úshin,
Batyrlyqpen qorǵaǵan jaýdan jerin.
Oqýshylardyń oryndaýynda «Den pobedy» áni oryndalady.

Mine, ata – babalarymyzdyń arqasynda búgingi kúni óz táýelsizdigimizdi alyp, egemendi el bolyp, álemge tanylyp otyrmyz. Óz ánuranymyz, óz eltańbamyz, árqashan bıikten kóriner týymyz bar. Biz bul úshin úlken qýanysh, úlken baqyt. Qýanyshymyz, jeńisimiz uzaǵynan bolsyn dep búgingi merekelik sharamyzdy aıaqtaımyz. Elimizde beıbitshilik bolsyn! Analarymyzdyń zarlaǵan, sábılerimizdiń jylaǵan daýsy estilmesin! Aıbyndy azamattarymyz aman bolsyn!