InfoHub Logo

Ertegiler elinde
Tańdaý kýrsynyń baǵdarlamasy
MAD synyby
Túsinik hat
Mekteptiń daıarlyq synyptarynda júrgiziletin «Ertegiler elinde» arnaıy uıymdastyrylǵan damytý, tárbıeleý sabaqtarynyń atqaratyn róli zor.
Bul arnaıy uıymdastyrylǵan damytý, tárbıeleý sabaqtary balalardyń til baılyǵyn qalyptastyrady. Sondaı - aq ertegini bilýge, áńgimeleýge ǵana úıretip qoımaı, balalardyń estetıkalyq talǵamyn, bilimin, sóıleý naqyshyn, qyzyǵýshylyǵyn arttyratyny anyq.
Sondyqtan arnaıy uıymdastyrylǵan damytý, tárbıeleý sabaqtary daıarlyq synyptarda maqsatty túrde júrgizilýi kerek.
Osy arnaıy uıymdastyrylǵan damytý, tárbıeleý sabaqtary boıynsha usynylyp otyrǵan materıaldar daıarlyq synyp balalarynyń bilimin, oı - órisin, til
baılyǵyn arttyrýǵa arnalǵan shyǵarmalarmen qamtamasyz etildi.
Sondaı - aq daıarlyq synyp balalarynyń deńgeıine saı qurylǵan bul baǵdarlamada aqparattyq quraldardy qoldana otyryp, ertegilerdi oqý, áńgimeleý (baıandaý) tyńdaý múmkindikteri qarastyrylǵan.

Maqsaty:
Óz aýylyna saıahat jasaý arqyly balalardyń tilin, sózdik qoryn molaıtý.
Oı - órisin, sana - sezimin jan - jaqty damyta otyryp, balanyń boıyna ozyq ádet - ǵuryp, salt - dástúrlerdi sińiretindeı, ımandylyqqa, izgilikke tárbıeleý.
Balalar zattardyń aıqyn obrazyn kórsete bilýge, ertegiler týraly túsinikterin bekite otyryp, tilderin oılaý qabiletterin damytý.

Basty mindetteri:
- balanyń sózdik qoryn molaıtý;
- balanyń tilin damytý;
- balany mazmundaýǵa daǵdylandyrý;
- balany jaqsylyq pen jamandyqty aıyra bilýge úıretý;
- ertegilerdi ózderi oryndata otyryp, qyzyǵýshylyǵyn
qalyptastyrý;
- keıipkerlerdiń daýys yrǵaǵyn sala bilýge kóńil aýdartý;
- keıipkerler arasyndaǵy dostyq, qamqorlyq sezimdi uǵyndyra otyryp bir - birine ádeptilik, kishipeıildilik jasaý, qıyn jaǵdaıda járdemdesý;

Nátıjeliligi:
- balalardyń til oramdylyǵyn arttyryp, ómirge kóz qarasyn qalyptastyrý;
- oı - órisin keńeıtip, sózdik qoryn molaıtý;
- balalardy jaqsyǵa úıretip, jamannan jırenýge tárbıeleý;
- meıirimdilikke, adamgershilikke, aqyldylyqqa baýlý.
- sýretke qarap mazmunyn túsine bilý.
- tanys erteginiń sońyn basqasha qurastyrdy.
- ertegidegi keıipkerlerdiń sóz mánerin, qımyl - qozǵalysyn oınap keltirý.
- sózderdi anyq aıtyp, este saqtaý qabiletterin damytý.

Bul pán aptasyna 1 ret, jylyna 32 saǵat júrgiziledi.

Bul baǵdarlamada osy pándi júrgizý úshin negizgi 8bólim qamtylady.
1 - bólim. Kirispe Ertegi týraly túsinik 2 saǵat
2 - bólim «Ájemniń ertegileri» 4saǵat
3 - bólim «Haıýanattar áleminde» 5 saǵat
4 - bólim «Tańǵajaıyp oqıǵalar» 4 saǵat
5 - bólim «Ertegiler áleminde» 5 saǵat
6 - bólim «Tabıǵat ta til qatady» 6 saǵat
7 - bólim «Qazaq ertegileri» 6 saǵat
8 - bólim «Qorytyndy sabaq» 2 saǵat.
Bul bólimder arqyly balalardyń ertegilerdi tyńdaý, áńgimeleý, ártúrli tapsyrmalardy oryndaý arqyly sózdik qory artyp, erkin sóıleýge úırenedi.

«Qarabalyq aýdany ákimdigi bilim bóliminiń
Muhamedjan Seralın atyndaǵy orta mektep» KMM
Qurastyrǵan: Tárbıeshi: JýsýpovaOryngýlAltaıqyzy
Ertegiler elinde. Tańdaý kýrsynyń baǵdarlamasy júkteý