InfoHub Logo

Maqsaty: Oqýshylardy dene tárbıesi jáne sportpen shuǵyldanýǵa tartý, belsendilikke, qaısarlyqqa, batyldyqqa, uıymshyldyqqa tárbıeleý, oıyn kezinde ádildikke, joldastyq sezimge, oıyndy jetildirýge tárbıeleý, balalardyń bos ýaqytyn tıimdi paıdalaný, densaýlyqtaryn nyǵaıtý.
Túri: jarys sabaq
Qatysatyn komandalar: 1, 2, 3, 4 synyp oqýshylary, kapıtan komandalary, synyp jetekshileri.
Kerekti quraldar: tý, qapshyq, qaryndash, ush shyǵarǵysh, format, dop sekiretin jip, t. b.
Barysy:
İ. Uıymdastyrý bólimi.
İİ. Negizgi bólim.
Chempıon bolý ońaı ma?
Shynyqsań shymyr bolasyń,
Arman bolǵan talaıǵa.
Saýyǵyp aıdaı tolasyń,
Bolmasań da uqsap baq,
Sportty serik ete bil,
Jarysqa túsip qalaıda.

Qurmetti ustazdar, oqýshylar! Búgingi «Ustazymyz jáne biz, sport súıer balǵynbyz!» atty sporttyq jarysqa qosh keldińizder! Elbasymyz N. Á. Nazarbaev «Qazaqstan - 2050» joldaýynda «Qazaqstan azamattary men balalarymyz quqyǵyn qorǵaıtyn boryshyn ustaıtyn azamat etip tárbıeleý qajet. Bizdiń oqýshylarymyz deni saý, sanaly, bilimdi, órisi bıik, densaýlyǵy myqty bolyp ósýi tıis» dep aıtqan bolatyn. Árbir Qazaqstan azamatynyń aldyna qoıǵan basty maqsaty óz eliniń, jeriniń, halqynyń densaýlyǵyn jaqsartýdy qamtamasyz etý bolyp tabylady. Adam balasynyń sportpen shuǵyldanýy basty mindetteriniń biri bolý kerek. Olaı bolsa, búgingi ótetin «Ustazymyz jáne biz, sport súıer balǵynbyz!» atty estafetalyq oıyndar jarysyn kórip tamashalańyzdar!
Sonymen ortaǵa jarysqa qatysqaly otyrǵan oqýshylardy shaqyramyz.
Ár tańdy baqytpenen atyramyz,
Saıysqa qatysýǵa ortamyzǵa
Sport sańlaqtaryn shaqyramyz.
Jarysqa qatysqaly otyrǵan synyp jetekshisi bastaǵan oqýshylar. Qarsy alyńyzdar:
İ top – 1 synyp Qurmetti halaıyq!
İİ top – 2 synyp Jarysty baıqap kórińder.
İİİ top – 3 synyp Ádil qazy alqasy
IV top – 4 synyp Ádil baǵa berińder.
Jarysty bastamas buryn, oıynǵa ádil baǵasyn beretin ádil qazylar alqasymen tanystyra keteıik.
1. Mektep psıhology – G. Orazbaeva
2. Dene tárbıesiniń muǵalimi - E. Álipqalıev
3. Dene tárbıesiniń muǵalimi – J. Qalmıarov
Jarystyń sharttary:
1. Tanystyrý / top atyn, uranyn tanystyrý.
2. Óz týyńdy tik!
3. Sýret salý.
4. Akrobatıka
5. Óz bilimińdi tekser!
6. Kim shapshań?
7. Parovoz
8. Qara jorǵa bıi.
Qurmetti saıyskerler, sizderge sát – sapar!
1. Tanystyrý: Ár top atyn, uranyn tanystyrý.
2. «Óz týyńdy tik!» Oıyn sharty: komanda músheleri qapshyqpen sekiredi, sońǵy oıynshy qolyndaǵy týdy tigip keledi.
3. «Sýret salý». Oıyn sharty:
1. – ush shyǵarǵyshty aparý;
2. – qaryndashty ush shyǵarǵyshpen ushtaý;
3. – qaryndashty ush shyǵarǵyshpen ushtaý;
4. – qaryndashty aq qaǵaz qasyna jetkizý;
5. – ne salý kerektigin ymmen túsindirý;
6. – berilgen sýretti salý.
Muǵalim barlyq quraldaryn jınap, qazylarǵa tapsyrý.
4. «Akrobatıka»
Oıyn sharty: «Ár komanda músheleri gımnastıkalyq oryndyqtan sekirip ótip, aýnap túsedi jáne júgirip keledi.
5.«Óz bilimińdi tekser!»
Oıyn sharty:
1 - dopty sekirtip aparyp, tapsyrma oryndaý, júgirip kelý;
2 - aıaq arasyna dopty qystyryp, sekirip baryp, tapsyrma oryndaý, júgirip kelý;
3 - dopty aıaqpen ıterip baryp, tapsyrma oryndaý jáne júgirip kelý;
4 - dopty qolmen demep jermen aparý, tapsyrma oryndaý, júgirip kelý;
5 - skakalkamen sekirý, tapsyrma oryndaý, júgirip kelý;
6 - qos aıaqpen sekirip, tapsyrma oryndaý, júgirip kelý.
6. «Kim shapshań?» Oıyn sharty: shvedtik qabyrǵaǵa órmelep shyǵý jáne túsý.
7. «Parovoz» oıyny. Oıyn sharty: komanda oıynshylary retsiz ornalasyp, qoltyqtasyp turady, osy tizbekpen kedergiler arqyly ótý.
8. «Qara jorǵa» bıin naqyshyna keltirip bıleý.
Jar salyp alty Alashqa,
Árbir qazaq balasy
Qara jorǵa bılesin, - deı otyryp, sońǵy bólimdi bastaımyz.
İİİ. Qorytyndy bólim.
Ónerge bıik senińiz,
Dýmanǵa qyzyq kelińiz.
Ádilqazy el sengen,
Ónerge baǵa berińiz!
Qurmetti qaýym! Sóz kezegi ádilqazylar alqasynda (ádilqazylar saıystyń sharttary boıynsha qorytyndy shyǵaryp, jeńimpazdardy jarıalaı otyryp, marapattaıdy).
Ýa, halqym, nazar aýdar densaýlyqqa!
Ómirde baqyttysyń deniń saýda.
Densaýlyq tereń baqyt degen sózdi
Urys aıtqan uly Abaı atamyz da – deı otyryp, barlyǵyńyzǵa denderińiz saý bolsyn, degen tilekpen saıysymyzdy aıaqtaımyz.