InfoHub Logo

Sabaqtyń taqyryby: Etistikten ótkendi qaıtalaý.
Sabaqtyń maqsaty:
a) bilimdilik: etistikten alǵan bilimderin pysyqtaý, taqyryp boıynsha alǵan teorıalyq bilimderin praktıkamen ushtastyrý, taldaý formasyn qalyptastyrý.
b) damytýshylyq: oqýshylardy izdenimpazdyqqa, shyǵarmashylyqqa baýlý, iskerlik daǵdylaryn qalyptastyrý, belsendi oılaý qabiletterin jetildirý.
v) tárbıelik: ózin - ózi tanı bilýge, tapqyrlyqqa, uıymshyldyqqa, adamgershilikke tárbıeleý.
Sabaqtyń túri: qaıtalaý, bekitý sabaǵy.
Sabaqtyń ádis - tásilderi: suraq - jaýap, taldaý t. b
Sabaqtyń kórnekiligi: ınterbelsendi taqta, sýretter t. b
Sabaqtyń barysy: İ Uıymdastyrý kezeńi.

Kirispe sóz.
Qazaq tilim – óz tilim, anam tilim,
Abaı, Muhtar sóılegen dana tilim,
Qasterleıdi ul - qyzyń máńgi seni,
Bolashaǵym, baqytym dara tilim!
Oqýshylar úsh topqa bólindi.
İ. «Oı qozǵaý» strategıasy
1 – tapsyrma.
Ár topqa ınterbelsendi taqtadan suraqtar beriledi.
Suraqtar: İ – topqa
1. Et istik degenimiz ne? Mysal keltir.
2. Ári esim sózdiń, ári etistiktiń qyzmetin atqaratyn qandaı etistik?
3. Bolymsyz etistiktiń jurnaǵyn atańdar?
İİ – topqa
1. Etistiktiń shaqtary degendi qalaı túsinesiń?
2. Etistik quramyna qaraı qanshaǵa bólinedi? Mysal keltir.
3. Etis degenimiz ne? Qansha túri bar jáne olar qalaı jasalady?
İİİ – topqa
1. Etistiktiń raılary degenimiz ne? Qansha túri bar?
2. Salt etistik pen sabaqty etistik qalaı jasalady? Mysal keltir.
3. Etistik maǵynasyna qaraı neshe túrge bólinedi?

2 – tapsyrma. Oqýlyqpen jumys.

3 – tapsyrma. «Túrtip alý» strategıasy.
a) Maqal – mátelder oqyǵanda etistikterdi taýyp etistikterdi jazyp otyryp, etistiktiń túrlerine ajyratyp, taldaý jasaıdy. Morfologıalyq keshendi taldaý.
1. Týǵan jerdeı jer bolmas,
Týǵan eldeı el bolmas.
2. El úmitin er aqtar,
Er ataǵyn el saqtar
3. Jańbyrmenen jer kógerer,
Batamenen er kógerer
4. Jaqsynyń qasıeti – jarastyrý,
Jamannyń qasıeti – talastyrý.
5. Aqqý kólge, er elge panalaıdy.
6. Eldi sókpe, kendi tókpe.
b) Jumbaqtardyń sheshýin tap, etistikti túrlerine qaraı ajyrat.
1. Sýdan shyǵady
Sýdan qorqady. (--------------)
2. Qýyp edim, - moınyn burmady
Ustaıyn dep edim,- qolǵa turmady. (------------)
3. Jer qazady, kómir tıep tynbaıdy,
Jumsaı bilseń, sharshadym dep turmaıdy. (------------)

4 – tapsyrma. Shyǵarmashylyq jumys.
Úsh topqa sújetti sýretter beriledi. Ár top sýret boıynsha kúrdeli etistikterdi qatystyryp áńgime quraıdy. Áńgimeden etistikterdi taýyp, túrlerine taldaý jasaıdy.

5 – tapsyrma. «Joǵalǵan sóz, sheshimin tap»
Oqýshylarǵa poezıalyq shyǵarmalardan úzindi etistikteri túsirilip oqylady. Sol etistikterdi aıtyp, óleńniń taqyrybyn avtoryn taýyp, etistiktiń túrlerine taldaý.
1. Shyǵamyn tiri bolsam, adam -------------,
Júrmeımin bul dúnıede jaman bolyp,
-------------- kórde tynysh jaqsy emes pe?
Júrgenshe ómir --------, nadan bolyp.
2. Arystanmyn, aıbatyma kim shydar?
Jolbaryspyn, maǵan qarsy kim ---------?
Kókte bult, jerde jelmin ----------,
Jer erkesi – jeldiń jónin kim surar?
3. Ýa, týǵan jer, topyraǵyńnan -------------?
Alabyńnan armanyma nár aldym.
Tunyǵyńnan -------- ishtim sendegi,
Altyn araı tańǵy jupar samaldyń.
Sabaqty bekitý:

6 – tapsyrma. Úsh topqa test tapsyrmalary taratylady.
Interaktıvti taqtadan durys jaýaptary beriledi. Úsh top bir - biriniń jaýaptaryn tekserip baǵalaıdy.
Oqýshylardy baǵalaý.
Úıge tapsyrma.
Etistikter bar 10 jańyltpash, 10 jumbaq jazyp, quramyna, maǵynasyna qaraı taldaý.