InfoHub Logo

Ana tili. 4 - synyp.
Sabaqtyń taqyryby: Farıza Ońǵarsynova «Qanat týraly hıkaıa»
Sabaqtyń maqsaty.
Bilimdilik maqsaty: oqýshylarǵa óleń avtory Farıza Ońǵarsynova týraly málimet berý jáne óleń mazmunyn uǵyndyrý, taldaý áreketin jetildirý.
Damytýshylyq maqsaty: oqýshylardyń oı - órisin, sózdik qoryn molaıtý, shyǵarmashylyq qabiletin damytý.
Tárbıelik maqsaty: óz ata - analaryna degen súıispenshilik sezimin boılaryna sińirý, syılaýǵa tárbıeleý.
Jańa tehnologıa: syn turǵysynan oılaý.
Sabaqtyń túri: damytýshylyq.
Pánaralyq baılanys: til damytý, beıneleý óneri.

Sabaqtyń barysy.
Psıhologıalyq trenıń. «Jyly lebizder» trenıńi júrgiziledi (óıtkeni jańa sabaǵymyz jaqsy tilektermen baılanysty). Oqýshylar dóńgelene turyp «sıqyrly taıaqshany» bir - birine usynyp jyly tilekterin aıtady. «Gúldana, seniń daýsyń ádemi», «Tilek, seniń shashyń keremet jarasyp tur» t.s.s.

Úı tapsyrmasyn tekserý.
«Báıge» oıyny. Bata aıtý jarysyn uıymdastyrý.
1. Mal - bastyń amandyǵyn tileıtin bata.
2. Qaýip - qaterden saqtaıtyn sóz.
3. Dastarhanǵa beriletin bata bilesiń be?
4. N. Aıtov. «Altyn sóz» óleńin jatqa aıtyp ber.
5. Batanyń mal soıǵanda aıtylatyn túri.
6. Jolǵa shyǵaryp salý úlgisi.
Oqýshy jaýaptaryn qorytyp, jınaǵan upaılaryn esepteý. Tıanaqty daıyndalǵan oqýshylardy yntalandyrý.
Jańa sabaq.
- Balalar, sońǵy sabaqtarda qandaı shyǵarmalarmen tanystyq? Olardyń uqsastyqtary qandaı?
- Ana taqyrybynda jazylǵan shyǵarmalarmen tanystyq.
- Óz óleńderin anaǵa arnap jyrlaǵan aqynnyń biri - Farıza Ońǵarsynova. Búgin aqynnyń «Qanat týraly hıkaıa» óleńimen tanysamyz. Dápterge kún reti men taqyrypty durys jazaıyq.
Avtor týraly málimet berý, toptastyrý syzbasyna túsirý.

Farıza Ońǵarsynova
1939 jyly 25 jeltoqsanda týǵan. Atyraý oblysy, Isataı aýdanynda ósken. Qazaqtyń daryndy aqyny, kóptegen óleń kitaptarynyń avtory. «Qanat týraly hıkaıa» 1988 jyly «Alǵashqy sabaq» jınaǵyna engen

Qyzyǵýshylyqty oıatý.
a) «Kınder súrprız» qorapshasy ákelinedi. Qorapshadan jumbaq jazylǵan qaǵazdy alyp bir oqýshy oqıdy.
Barlyq jemin biteýleı asaıdy,
Áıtse de uzaq jasaıdy.
Ol ne? (Qus)

á) Jumbaq sheshimine sáıkes taqtaǵa sýret ilip, onyń taqyryppen baılanysyn ashý.
- Balalar, sýretten neni baıqadyńdar?
- Qarlyǵash uıadaǵy balapandaryna keledi.
- Qarlyǵashqa zer sala qarańdarshy, qalaı ushyp keledi?
- Eki qanatyn jazyp ushyp keledi.
- Endi oılanaıyq, osy sýrettiń, jumbaqtyń óleń taqyrybymen qandaı baılanysy bar eken?
Aldymen óz oılaryn «Jupta talqylap» alady.
- Qanat dep qustyń qanatyn aıtyp tur.
- Durys aıttyńdar, balalar. Bul óleń ata - ana men bala týraly jazylǵan. Balapannyń anasy - qarlyǵashty adamnyń qos qanaty - ata - anamen baılanystyryp, olarsyz balalardyń ómir súre almaıtyndyǵyn túsinse deıdi aqyn. Balapan qanatyn «qanat» dep týra maǵynada qoldansa, ata - anany «qos qanat» dep balama maǵynada qoldanyp sýretteıdi.

Maǵynany taný.
Óleńdi mánerlep naqyshyna keltire oqıtyn oqýshylarǵa oqytý. Kezektestirip oqytý.
«Avtorlar men oqyrmandar» strategıasy.
Oqýshylardyń bir toby - avtorlar, kelesi toby - oqyrmandar bolyp mátin mazmunyna baılanysty suraqtar qoıyp jaýap beredi.
- Óleń ne týraly?
- Balapan, ata - ana, bala týraly.
- Balapanǵa ne boldy?
- Uıasynan qulap qanatyn syndyryp aldy.
- Balapanǵa kómek berildi me?