InfoHub Logo

Amerıkalyq fotograf Erık Pıkersgıll sýretterindegi smartfondardy qıyp tastaý arqyly adamdardyń qanshalyqty jalǵyz ekenin kórsetti.

Búgingi tańda smartfonsyz júretin adamdardy kezdestirý qıynnyń qıyny. Bir qyzyǵy, osy daǵdyǵa etimiz úırenip ketkenimiz sonshalyq, tipti aqyldy qaltafondardy janymyzdan bir eli qaldyrmaıtyn boldyq. Oıǵa barsaq ta, qyrǵa barsaq ta qaltafon qasymyzda. Amerıkalyq fotograf Erık Pıkersgıll mobıldi baılanystarsyz ómirimiz áldeqaıda qyzyq bolatynyn alǵa tartady.

Fotograftyń Removed dep atalatyn sýretter serıasy smartfondaryna berilip ketken adamdardyń portretterin beıneleıdi. Biraq deıtin dúnıe bar. Shyn máninde olardyń qoldarynda eshqandaı da smartfon joq. Erıktiń naq osy poshymdy tańdap alǵandaǵy negizgi maqsaty — kópshilikke smartfonsyz ómirdiń qanshalyqty jalǵyzdyqqa toly ekenin uǵyndyryp, oı salý.

Osy ispetti sýretter legin túsirýdi Pıkersgıll 2014 jyly AQSH ta bastady. Sýretteriniń basym bóligi óziniń týǵan shtaty Soltústik Karolınada túsirilgen.

Sýretter tek smartfondar jaıly ǵana emes, sonymen qatar planshetterdi de (nemese Nintendo Switch? de) meńzeıdi.

2018 jyldyń maýsymynda Erık Azıadaǵy Vetnamda, Mánmada, Sıngapýr men Indonezıada da osyǵan uqsas jaıttardy sýretke túsire bastady.

Eger, siz bul sýretter tek jastarǵa qatysty deseńiz, qatelesesiz.

Aldaǵy ýaqytta Pıkersgıll Úndistandaǵy osyǵan uqsas serıalar tizbegin túsirmekshi. Barlyq sýretterdi onyń resmı saıtynan (removed.social) kóre alasyzdar.
 
bilim-all.kz, Nazerke Ásetova

Oqýǵa keńes beremiz:

12 jasqa deıingi balalardy ne úshin gadjetterden alshaq ustaý kerek?

Nelikten smartfondar temeki sekildi zıandy

Smartfondardyń kók tústi jaryǵy soqyrlyqty jyldamdatyp, kórý qabiletin nasharlatady

Telefon táýeldiliginen qutylýdyń 7 tásili

---