InfoHub Logo

Danalyq,aqyndyq,sheberlik degen uǵymdardy estisem,kóz aldyma Abaı degen uly tulǵa kele qalady.Talantymen talaıdy tańqaldyrǵan tarlanym-Abaıym...Osynsha maqtaýǵa,osynsha madaqqa ıe bolǵan qasıetti qalamgerim sizdeı bolý  - men úshin eń bıik arman.Ár túrli ǵylymydy meńgerip, «Hakim Abaı» atanǵan ,poezıada,mýzykada óshpes-ólmes shyǵarmalar qaldyrǵan danyshpan da bir ózińiz...Qazaq eliniń mádenıeti men ádebıetin qalyptastyrýda oıyp turyp oryn alatyn ózindik asyl tulǵamyz – siz.Sizdi bilmeıtin adam kemde – kem bolar.Shynaıy júregińizden shyqqan ,boıaýy qanyq týyndylaryńyz oqyrmannyń júreginiń tórinen oryn tapqan.Shyǵarmalaryn oqyǵan kezde oı teńizinde júrgendeı shabyttana júzip ,qustaı qalyqtap ushyryp áketetini óz aldyna bir bólek.Synshyldyq pen shynshyldyqty keıingi urpaqqa qalaı áserli etip dáriptegen .Hakim Abaıdyń tolǵamaǵan,jyrlamaǵan taqyryby joq shyǵar,bálkim...Muhtar aǵamyzdyń «Hakim Abaı» týraly aıtqan «qazaqtyń bas aqyny» degen qanatty sózine qosylmaı bolmaıdy.Keıingilerge bas bola bilgen,qalamyn siltep,aqyndyqtyń atyna mingen órshil urpaqqa jol kórsetken Abaıym,ár isińe tántimin.

Abaı poezıasy – halyq tańdaýy ,ol máńgi jasaıdy,ólmeıdi,óshpeıdi.Zamanymyzdaǵy jaıttardy óleńmen órgen,sýretin sózben salǵan-Abaıdaı asyldyń qaıtalanbas týyndylary –baılyǵymyz,baǵa jetpes muramyz dep bilemin.Álemge áıgili bolǵan Abaı halqynyń janashyry bola bildi.Abaı sózi –halyq sózi.Jaı sóz emes,áserli,ótkir,áshekeıli sóz.Birde óleń,birde áńgime,birde qara sóz bolǵan shynaıy sóz.Tabıǵatpen de tildesken,mahabbatty da beıjaı qaldyrmaǵan,segiz qyrly,bir syrly Abaı – meniń pirim, «Hakim Abaı» degen sózdiń naǵyz ıesi.Abaı halyq qorǵany.Oǵan qarap halyq boı túzedi.Qazaq halqyn taný úshin Abaıdy bilý kerek.Siz arqyly ózgelerge bolmysymyzdy bilgizdik,turmys-tirshiligimizdi tanyttyq.Dana bolsań,aqyn bolsań,kemeńger bolsań uly Abaıdaı bol.Qara sózderińizdiń qudiretin qanyma,boıyma sińire oqımyn,ot alamyn,úlgi alamyn.Sizdeı qaıtalanbas tulǵanyń tárbıe tunǵan týyndylaryn tolyq túsinetin,baǵyshtaıtyn men de bir qazaqtyń qalamdy qolyna alǵan qyzdarynyń birimin.Hakim Abaıdy kókten izdeımin,juldyzdardyń janynan jarqyratamyn,asqaq tulǵany jerdegi pendeden bıik qoıamyn.Qudiretti qalamyn sıqyrshy taıaǵyndaı baǵalaımyn.Qazaqtyń mańdaıyna bitken dara tulǵa – Abaıym,baǵymyzdyń bes eli ekenin siz arqyly taǵy bir maqtana aıtamyn.Ulylardyń ulysy Alash eliniń tynysy bolǵan danam osyndaı kúsh-qýatty qaıdan aldyńyz?!Sizdi ómirge ákelgen anańyzǵa bas ıem,ananyń ǵana emes,halyqtyń balasy bolǵan sizdiń aqyndyq jolyńyzdy ardaqtaımyn.Hakimdiktiń taǵynan túspeńiz...

---