InfoHub Logo

«Fransýz habarshysy» Ýes Anderson 2021 jyly túsirgen komedıa janryndaǵy fılm. Atalmysh rejıser sońǵy týyndysynda buqaralyq aqparat quraldarynyń jumys erekshelikterin saralaıdy. Fılm «New york times» jýrnalynyń kórkem estetıkasymen shabyttanǵan. 

Týyndy 3 oqıǵany qamtıdy. Birinshi oqıǵa túrmedegi shızoıd sýretshi ómirin kórsetedi. Basty keıipker baı, aýqatty otbasydan shyqqanymen, ómiriniń jasóspirim kezeńinde jalǵyzdyq jolyn tańdaıdy. Sebebi ol óz ómirlik joly men prınsıpterine adal bolýǵa umtylady. Bir kúni Mozes buzaqylardyń álsiz janǵa tıisip jatqanyn kórip, olardy asa qatty qatigezdikpen óltiredi. Ol psıhopat, al ondaı adamdardyń óneri sanalaryna sáıkes erekshe bolady. Onyń sýretteri bir ónertanýshy arqasynda búkil álemdi tamsandyrady. Mozes Rozentaler máńgilikke bostandyqsyz, tutqyndalǵan genııge aınalady. 

Ekinshi oqıǵa Fransıadaǵy jastar revolúsıasyn saralaıdy. Jastar úlkenderdiń barlyǵyn tyıym salýlarymen ábden toıdy, olar naǵyz bostandyqty qalaıdy. Sondyqtan belsendi stýdentter beıbit sherýler jasap, manıfes aıtyp, basshylyqqa qarsy shyǵady. Osy oqıǵa jasóspirim men úlkender bir-birin jek kórse, bir ortaq kelisimge kelmese, sońynda úlken apat bolatynyn kórsetedi. Bul soǵys eshteńe alyp kelmeıdi. Sondyqtan eki urpaq bir-birin tyńdap úırený kerek! Sonda ǵana halyqty mazalaıtyn máselelerdi sheshýge jol tabylady.

Úshinshi oqıǵa mıgrant aspazdyń ómirine sholý jasaıdy. Oqıǵa shıelenisi - aspaz jumys atqaratyn tulǵanyń balasynyń urlanýy. Balany saqtap qalý úshin leıtenant ólim men ómir arasynda ómirge áreń iligedi. Ol oıanǵanda, ózin basqa elde eshqashan tulǵa retinde sezinbegenin aıtady. Óz elińnen ketip, joǵaltqanyńda máńgilik izdeısiń. Biraq ózińniń kishkentaı keńistigińnen shyqpasań, jańa zattardy qalaı zertteısiń? Mıgranttyń júregi árqashan jalǵyzdyq sezinedi, biraq ol óz jolyn qýalaǵan soń, úlken belesterdi álemniń barlyq jerlerinen izdeýi mindet. 

Qorytyndylaı kelsek, fılmniń strýktýrasy óte shashyrańqy, árkimge unaýy múmkin emes. Biraq erekshe sezimderdi izdep júrgen adamdarǵa osy týyndy unaıdy degen senimdemin.

Tólepbergen Aıhanym

---