Ǵabıt Músirepovke

Ǵabeke,
Anda-sanda sizdi kórem,
Sizdi kórsem jomart bir kúzdi kórem,
Eliktep ózińizge esim ketip,
Kógendep aq qaǵazǵa tizdim óleń.
Meıirimmen qaraıtyn Sizdi kórem,
Basqalar úmitterin úzdi menen.
Záhármen jibitem dep qý tańdaıdy,
Sezemin ózin-ózi jurt aldaıdy.
Jibitsem keıde men de qý tańdaıdy,
Basymnan Alataýdyń bulty aýnaıdy,
Bireýler kelekelep, jyrtańdaıdy,
Túbinde qurtsa meni, qurtar qaıǵy,
Alaıda jyrlarymdy jyrta almaıdy!!!
Menen de úmit kútip týǵan elim!
Men-daǵy úmitpenen týǵan edim.
Mac bolǵap óleńine bir jan edim.
Ǵabeke!
Aıtsańyzshy mynalarǵa,
Men kimniń qazynasyn urlap edim?

---