InfoHub Logo

Ǵajaıyp tapqyrlar saıysy

Sabaqtyń maqsaty:
1) matematıkalyq uǵymdardy ajyratý, amaldardy shapshań oryndaý mashyqtaryn jetildirý úshin oıyn túrlerin utymdy paıdalaný;
2) oqýshylardyń bilim, bilik daǵdylaryn qalyptastyrý, shapshań oılaý, óz oıyn dáleldeı alý daǵdylaryn damytý;
3) belsendilikke, bilim súıgishtikke tárbıeleý.
Sabaqtyń túri: toptyq saıys
Sabaqty júrgizý ádis - tásilderi: toppen jumys, jarys, kórnekilik.
Kórneki quraldar: oıyn ataýlary, konvertter, úlestirmeli kartochkalar.

Sabaqtyń barysy:
1. Uıymdastyrý kezeńi
Psıhologıalyq daıyndyq:
- Eki kóz ne úshin kerek?
- Jaqsylardy kórý úshin.
- Eki qulaq ne úshin kerek?
- Aqyl - keńes tyńdaý úshin.
- Eki qol ne úshin kerek?
- Elge kómek berý úshin.
- Eki aıaq ne úshin kerek?
- Týǵan jerge jetý úshin?
- Bas ne úshin kerek?
- Esepti shyǵarý úshin.
- Olaı bolsa qazirgi sabaq qandaı sabaq?
- MATEMATIKA.

2. Sabaqtyń maqsatyn qoıý.
- Balalar, búgingi sabaqta osy ýaqytqa deıingi ótilgen matematıkalyq uǵymdardy qalaı meńgergenimizdi tekseremiz, 3 topqa bólinip jarysamyz.

3. Tanystyrý:
İ top: «Azamat» tobynyń urany:
Kel, balalar, oınaıyq!
Oınaıyq ta oılaıyq,
Qandaı esep bolsa da,
Sheshpeı ony qoımaıyq!

İİ top: «Ádilet» tobynyń urany:
Oı - armanyn keshemiz,
Aqyldy bop ósemiz.
Esepke tunǵan álemniń,
Jumbaq syryn sheshemiz.

İİ top: «Birlik» tobynyń urany:
Maqsatymyz - bilim alý,
Mindetimiz – eńbektený,
Esepti tez shyǵaryp,
Jeńiske qol jetkizý.
4. Saıys:
1 - týr « Kim alǵyr, kim shapshań?»
Úsh topqa 3 konvert berý. Esepti toptaǵy barlyq bala taqtaǵa shyǵyp oryndaıdy. Ár toptyń jumysy tekserilip, qorytyndysy shyǵarylady.
2+3 =
6 - 3 =
4 - 2 =
5+3 =
9 - 3 =
10 - 3 =
8+2 =
10 - 6 =

2 – týr «Joǵalǵan amaldar»
Ár topqa teńdikter beriledi, ortasynda qandaı amal, tańba «+»,«-» oryndalatynyn oqýshylar tabý kerek.