InfoHub Logo

Taqyryby: Ǵaryshqa sapar
Bilim berý salasy: Áleýmet.
Oqý qyzmeti: Qorshaǵan ortamen tanystyrý.
Maqsaty: Balalarǵa ǵarysh álemi jaıly túsinik berý, ǵarysh álemi jáne onyń qupıa syrlaryna degen qyzyǵýshylyqtaryn qalyptastyrý. Ǵaryshkerlerge degen qurmet sezimderin tárbıeleý. Tanym belsendiligin damytý.
Kórnekilikter: qazaqtyń tuńǵysh ǵaryshkerleriniń, ǵarysh kemesiniń sýretteri, slaıd, pishinder.
Ádis - tásilderi: áńgimeleý, tanystyrý, suraq - jaýap, qurastyrý.

Motıvasıalyq qozǵaýshylyq
Shattyq sheńberi:
Araılap tań atty
Altyn sáýle taratty,
Jarqyraıdy qalamyz
Jaınaı tússin dalamyz
Qaıyrly tań qonaqtar,
Qaıyrly kún dostarym!

Uıymdastyrýshylyq - izdenistik
- Balalar, qazir jyldyń qaı mezgili?
- Kóktem aılaryn atańdar?
- Kóktemniń erekshelikterin bilesińder me?
Durys aıtasyńdar!
Balalar biz búgin qyzyqty saıahatqa shyǵamyz.
- Balalar aıtyńdarshy biz turatyn ǵalamshar qalaı atalady?
- Al, joǵaryda bizdiń tóbemizde ne bar?
- Balalar sender túngi aspandy kórdińder me?
Senderge unaı ma?
Maǵan da unaıdy. Túngi aspan ádemi sıqyrly sıaqty kórinedi. Óıtkeni olar óte bıik joǵaryda ornalasqan. Al osy ǵalamsharlardyń arasynda eń úlken ǵalamshar bar, osy ǵalamshardyń qalaı atalatynyn bilesińder me?
- Jaraısyńdar kún, kún óte úlken jarqyrap turǵan otty shar.
- Qalaı oılaısyńdar, kúndiz jarqyrap turǵan juldyzdardy kórýge bolama?
Durys aıtasyńdar kúndiz kún sáýlesinen jarqyrap turǵan juldyzdar baıqalmaıdy eken.

Balabaqsha tárbıeshisi: Ahmetova Moldır Nýrgalıevna

Tolyq nusqasyn júkteý