InfoHub Logo

Geometrıalyq pishinder
Bilim salasy: Tanym
Uıymdastyrylǵan oqý qyzmeti: Qarapaıym matematıkalyq uǵymdardy qalyptastyrý.
Maqsaty: Balalardyń oı - órisin keńeıtý
Bilimdiligi: Geometrıalyq pishinderdi bir - birinen ajyratyp ataı bilýge úıretý.
Damytýshylyǵy: Qıal boljamdaryn damytyp, qabiletterin shyńdaý, tanym ónerin sózdik qarym - qatynastaryn baıytý.
Tárbıeliligi: Balalardyń oılaý, kórip taný, zeıinin, este saqtaý qabiletterin oıyn arqyly damytý, derbes is - áreketke tárbıeleý.
Ádis tásili: Shattyq sheńberi, túsindirý, tanystyrý suraq - jaýap; oıyn, sergitý sáti.
Kórneki quraldar: Úlgi pishinder, úlestirmeli materıaldar, taqta, mýltımedıa.

Motıvasıalyq qozǵaýshylyq
I Uıymdastyrý
Shattyq sheńberi
- Balalar, búgin erekshe kún. Bizdiń oqý is - áreketimizge qatysý úshin qonaq apaılar kelip otyr. Olaı bolsa apaılarmen sálemdeseıik.
- Sálemetsizder me apaılar
- Al endi apaılarǵa ózimizdiń qandaı balalar ekenimizdi kórseteıik.
Biz qandaımyz, qandaımyz
Shuǵylaly tańdaımyz
Kúlimdegen kúndeımiz
Renjýdi bilmeımiz
Úlkenge de «Siz»
Kishige de «Siz»
Barshańyzǵa qurmetpen
Bas ıemiz «biz»

Uıymdastyrýshylyq
İzdenistik
- Jaraısyńdar balalar,
Qarańdarshy balalar, meniń qolymdaǵy jaı taıaqsha emes, bul sıqyrly taıaqsha. Meniń sıqyrly taıaqsham senderdi «Oınaıyq ta, oılaıyq»degen qyzyqty pishinder eline aparǵysy keledi sender barǵylaryń kele me?
Balalar sender qaıda kele jatyrmyz dep oılap tursyńdar?
Aspanda neler bar?
Balalar qarańdarshy qandaı keremet álem. Biz qandaı pishinder álemine keldik? Dóńgelektiń túsi qandaı?
Tobymyzdan dóńgelekke uqsas zattardy tabaıyqshy.

Kelesi álem qarańdarshy qandaı pishinder álemi eken!
Úshburyshtardyń túsi qandaı, úshburyshqa uqsas zattardy tabaıyqshy osy pishinderdi paıdalanyp ne qurastyrýǵa bolady:
Jaraısyńdar, balalar sender óte keremet, ári ádemi kún qurastyra bildińder.

Búgin biz jańa pishinmen tanysamyz. Bul pishin tórtburysh dep atalady, bul pishinniń buryshy kóp bolǵandyqtan tórtburysh dep atalady. Tórtburyshtyń túsi qandaı, bul pishinge tobymyzdan uqsas zattardy tabaıyqshy. Men senderge qyzyqty óleń oqyp bereıin sender muqıat tyńdańdar:
Qyzyl, sary, jasyl kók
Alýan - alýan pishinder
Úshburysh tóbesi, tórtburysh denesi,
Uzynshaq esigi, mynaý mine tereze.
Balalar qarańdarshy men ne qurastyrdym?
Men úıdi qandaı pishinderden qurastyrdym?

Refleksıvti korreksıalaýshy
Jaraısyńdar, balalar
Aldaryńdaǵy úlestirmeli materıaldardan meniń qolymdaǵy pishindi taýyp berińdershi (úshburysh, tórtburysh, dóńgelek)
Endi biz qyzyqty «óz ornyńdy tap»oıynyn oınaıyq
Sergitý sáti: Al balalar, turaıyq,
Boıymyzdy jazaıyq,
Aǵashtarsha terbelip,
Káne, sergip alaıyq,
Ornymyzdy tabaıyq.
Endi aldaryńdaǵy pishinderden ne qurastyra alatyndaryńdy baıqaıyq(jeke balamen jumys)
Jaraısyńdar, balalar búgin barlyqtaryń da oqý is - áreketine jaqsy qatystyńdar. Pishinderdi ajyratyp ataı biletin boldyńdar. «Oınaıyq ta oılaıyq» eli senderge unady ma?
Osyndaı kóńildi kóńil kúımen tobymyzǵa qaıtaıyq. Balalardy madaqtaý, baǵalaý.

Kútiletin nátıje:
1. Biledi: Tústerdi ajyratyp, ataı bilý
2. Túsinedi: Tórtburysh, úshburysh, dóńgelek
3. Qoldana biledi: Ár túrli zattarmen materıaldardan túrli pishinder men uqsas zattardy qurastyrý.

Atyraý qalasy
MKQK №29 «Nursaıa» bóbekjaı - balabaqshasy I sanatty tárbıeshisi
Qarasaeva Gúlnar Jumabaıqyzy