InfoHub Logo

II kishi «Aqbota» tobynyń uıymdastyrylǵan oqý is - áreketiniń tehnologıalyq kartasy №1
Taqyryby: Gúlzarda ósip turǵan gúlder
Bilim berý salasy: «Tanym»
Bólimi: Qurastyrý
Maqsaty: usaq qurylys bólikterin kólemine qaraı biriktirip, birtutas zatty qurastyrýdy úıretý;
- aınaladaǵy ásemdikti baǵalaı bilýge tárbıeleý;
- usaq qol qımyldaryn jetildirý
Qajetti qural - jabdyqtar: usaq qurastyrý materıaldary, qapshyq.
Qostildilik komponent: gúlzar - svetnık, ósedi - rastet, gúlder - svety.

Motıvasıalyq qozǵaýshylyq
Jumbaq sheshemiz
Sý quısań boldy
Ketedi boılap
Ádemi jupar.
Ne? Kórshi oılap?!
(Gúl)
Sýretpen jumys
Qala kóshelerinde gúlzarda ósip turǵan gúlderdiń sýretterin kórsetedi. Suraqtar qoıady:
- Gúlzar qandaı?
- Gúlzar nege uqsaıdy?
Balalardyń jaýaptaryn tyńdap, tolyqtyrady:
- Gúlzar úlken, bıik ydysta tur, onyń ústińgi qyry topyraq shashylyp qalmaý úshin bıik etip jasalǵan. Balabaqshaǵa arnap ádemi gúlzar qurastyryp berýdi usynady.

Uıymdastyrýshylyq - izdenistik
Balalardy jumys ornyna bastap barady.
- Balabaqshamyzdyń telimderi ádemi bolý úshin biz gúlzardy myna usaq qurylys materıaldarynan qurastyramyz. Ol úshin bizge ne kerek dep oılaısyńdar?
"Qandaı zat joq?" dıdaktıkalyq oıyny
Tárbıeshi usaq qurylys materıaldaryn(teksheler, kirpishter, prızma, plasına, juqa taqtaıshalar) balalarǵa kórsetip, qapshyqqa salady. Balalar kózderin ashady, tárbıeshi qapshyqtaǵy zattardy alyp shyǵady, qandaı zat joq ekenin suraıdy.
Saýsaqtar serýeni
Jumys barysynda kórsetedi, birge jasatady:
Eki kishkentaı kirpishti kóldeneń qoıamyz (bul gúlzardyń astyńǵy jaǵy, túbi):
Kirpishtiń eki jaǵyna teksheni tiginen qoıamyz (bul gúlzardyń qyrlary, qabyrǵasy);
Plasınalardy qyrymen qoıamyz( bul gúlzardyń kóldeneń jatqan qyry, qabyrǵasy bolady).
Derbes jumys barysynda tárbıeshi balalarǵa baǵyt berip, kómektesip júredi.
Saýsaq jattyǵýy
Bas barmaǵym - atam, úıdiń danasy
Balań úırek - ájem, oshaq anasy.
Ortan terek - ákem, otaý panasy, Shyldyr shúmek - sheshem, shańyraq ajary,
Tıtteı bóbek - men, báriniń bazary.
"Gúl ósiremiz" oıyny
Tárbıeshi daıyn gúlzarǵa topyraqtyń ornyna qaraqumyq jarmasyn salady.
Balalarǵa jasandy gúlderdi taratyp, gúlzarǵa otyrǵyzýdy usynady.

Gúlzarda ósip turǵan gúlder. júkteý