InfoHub Logo

Sabaqtyń taqyryby: İ dybysy men árpi
Sabaqtyń maqsatty:
Bilimdilik: İ i dybysy men árpin tanytý; İ i árpi jáne i árpi bar sózderdi oqyp, jazyp úıretý, sonymen qatar, óz tiliniń qadir-qasıetińmen, til týraly, kitap týraly maqaldarmen tanysyp, túsinik alady.
Damytýshylyq: İ dybysyna qatysty jańa sózderdi bildirý arqyly oqýshylardyń sózdik qoryn, sóıleý tilin damytý;
Tárbıelik: Saýatty, kórkem, taza jazýǵa tárbıeleý;
Tıpi: jańa bilimdi ıgerý.
Ádisi: túsindirý, suraq - jaýap, oıyn, kórnekilik;
Kórnekiligi: İ i árpiniń jazba jáne baspa túri, býyndar, sózder, kespe áripter, sýretter, ınteraktıvti taqta;
Pánaralyq baılanys: dúnıetaný, eńbekke baýlý, beıneleý óneri, mýzyka

Sabaqtyń barysy:
İ. Uıymdastyrý.
Psıhologıalyq ahýal.
İİ. Ótken sabaqtardy pysyqtaý jumysy.
Oıyn: ( bas áripter men kishi áripter juptaryn tabý.)

Mátinmen jumys: « Ormanda» mátinin tizbekteı oqytý.
Taqtamen jumys: keme, kese, kebeje, kóbelek, keshe, keste, kespe sózderin oqýshylarǵa jazǵyzý.

Jańa sabaqty meńgertý.
1. Qar jaýǵanda ormanǵa barsań, qardyń beti tolǵan jazý. Ol jazýdy kez - kelgen adam oqı almaıdy. Ol jazýdy ormandaǵy ańdar men qustar jazady. Ol ne jazý? (İz)
Alystan túlki ketip bara jatyr edi, kenet joq bolyp ketti. Ol qaıda kirip ketti eken? (inine kirdi)
- İz, in sózderinde qandaı dybys estip turmyz?
- İ i dybysyn dybystap kóreıik. «i» dybysyn ándetip aıtyp kóreıik.
A - a - a - a - a - a - a
Á - á - á - á - á - á - á
O - o - o - o - o - o
İ - i - i - i - i - i - i - i - i
Endeshe daýystylar qataryna taǵy bir dybys qosyp, oǵan qyzyl kóılek kıgizemiz.
Dybys pen árip aıyrmashylyǵyn eske túsirý.
Dybysty aıtamyz, estımiz.
Áripti jazamyz, kóremiz.
Endeshe, İ i dybysynyń árip tańbasymen tanysaıyq. («İ i»árpin kórsetý.)
- Oqýshylar, i árpine l, sh, t, s, n áripterin qosyp, sóz quraıyq.
İsh, is, tis, ini, in, til

Oqýlyqpen jumys.
79 - bettegi baǵanda berilgen sózderdi hormen oqytý. Sózderdiń maǵynasyn túsindirý.
Sergitý sáti
Al, kánekı kójekteı.
Yrǵyp – yrǵyp qashaıyq
Qolymyzdy sozaıyq,
Túrli qımyl jasaıyq.
Sýret boıynsha áńgimeleý. (Ormandaǵy ańdar izi)
Maqaldarmen jumys(mazmunyn ashý)
Birlik bolmaı,
Tirlik bolmas.
Kitap – bilim bulaǵy,
Bilim – ómir shyraǵy.

Dáptermen jumys.
A) «İ i» árpin jazyp úırený;
Á) Kóshirip jazý;
Y – i dybystarynyń uqsastyǵy men aıyrmashylyǵyn ajyratý.
Bekitý.
- Búgin biz qandaı dybyspen, árippen tanystyq?
- İ dybysymen.
- İ dybysy qandaı dybys?
- Daýysty.
- Dybysty biz ne isteımiz? (estımiz, aıtamyz)
- Áripti biz ne isteımiz? (oqımyz, jazamyz)
Oqýshylarǵa qasqyr, qoıan, qus, aıý, adam izderin sýret boıynsha taptyrý.
Baǵalaý.
Sabaqqa qatysqan oqýshylardy maqtaý, madaqtaý.