InfoHub Logo

6 synyp
Taqyryby: Yntymaq – túbi bereke
Qundylyq: Súıispenshilik Qasıetter: bárin jaqsy kórý, baýyrmaldyq
Sabaqtyń maqsaty: Oqýshylarǵa uıymshyldyq týraly túsinik bere otyryp, «Súıispenshilik» qundylyǵynyń mánin uǵyndyrý.
Mindetteri:
- Oqýshylarǵa yntymaq uǵymy týraly túsinik berý.
- Oqýshylardyń ózara jaǵymdy qarym - qatynastaryn, súıispenshilikterin damytýǵa yqpal etý.
- Oqýshylardy tatýlyqqa, aýyzbirlikke, dostyqqa tárbıeleý.
Resýrstar: oqýlyq, oqýshy dápteri, ún taspa, taqta.

Sabaqtyń barysy:
1. Uıymdastyrý kezeńi. Sálemdesý. (Sabaqtaǵy jaǵymdy kúıge kelý)
Tynyshtyq sáti: (Sý asty patshalyǵyna oısha saıahat.)
Muǵalim: Kózińizdi jumyńyz jáne birneshe ret tereń tynystańyz; deneńizdi bosatyńyz. Birneshe sekýndtan soń teńiz túbine saıahat jasaımyz.
Teńiz jaǵasymen kele jatqanyńyzdy elestetińiz. Tolqyndardyń jeńil shalpylyna, shaǵalalardyń shýylyna qulaq túrińiz. Jalań aıaqtaryńyzben qumdy sezinińiz. Shalǵaıdan qara núkte kórip tursyz: ol jaqyndaǵan kezde delfın ekenin túsindińiz. Ol sizdi teńiz túbine alyp ketý úshin keldi. Ol óte ádepti jándik, sizdi shydamdylyqpen kútip tur. Jaılap onyń arqasyna otyryńyz, myqtap ustap, jolǵa shyǵyńyz. Delfınniń arqasynda jaılanyp otyryp, ózińdi qaýipsiz seziný, sý astynda júzý qandaı keremet. Jan - jaǵyńyzǵa qarańyz: munda kempirqosaq tárizdi arly - berli jarqyraı qalqyǵan ásem balyqtar qanshama. Teńiz túbine boılaǵan saıyn aınala qalaısha ózgeredi, sýda terbelgen qanshama ǵajaıyp baldyrlar. Qarańyzshy, qandaı orasan zor balyqtar, al endi anaý jaqqa kóz tastańyz... bul orasan zor segizaıaq. Sý asty netken qyzyqty ári ǵajap álem. Siz bir nárseni baıqadyńyz ba? Munda netken tuńǵıyq, tolyq tynyshtyq. Osy tynyshtyq kúıde bolyńyz. Al qazir joǵaryǵa, óz álemimizge keri qaıtýǵa daıyndalyńyz. Aınalaǵa jiti qarańyz. Ǵajap tústerge taǵy bir ret qarańyz jáne tynyshtyqqa qulaq túrińiz. Osyndaı tynyshtyq sizge samaldaı áser beredi. Endi delfın keri qaraı jolǵa shyqty. Siz sý betine shyqtyńyz, jaǵaǵa jaqyndadyńyz. Delfınniń arqasynan túsińiz, ony sıpalańyz jáne osyndaı ǵajap saıahatqa aparǵany úshin rızashylyq bildirińiz.
Synypqa oralyńyz jáne óz ornyńyzǵa kelińiz. Birneshe sekýndtan soń kózińizdi ashyńyz, osy túısingen tynyshtyqty óz boıyńyzda saqtaýǵa tyrysyńyz.

İİ. Úı tapsyrmasyn tekserý
«Yntymaq» ertegisin suraý
1. Yntymaq bolǵan jerge Qyzyrdyń, Baq pen Dáýlettiń kelýiniń sebebin qalaı túsindirer edińder?
2. Úı ıeleriniń Yntymaqty qonaq qylýynyń sebebi nede?
3. Yntymaqtastyq degendi qalaı túsinesińder?
4. Tatýlyq, yntymaqtastyq, uıymshyldyq uǵymdarynyń uqsastyǵy nede?

3. Jaǵymdy oı - pikir (dáıek sóz)
«Igilik basy - yntymaq, yntymaqty elde kúnshýaq.»
Halyq maqaly
(Hormen qaıtalaý, dápterge jazǵyzý).
1. Dáıek sózdi qalaı túsinemiz?
2. Yntymaq bolǵan jerde ne bolady?

1. Oqıǵa aıtý: (Muǵalim syıy)
«Ánet Baba áńgimeleri»
1. Mátinniń máni nede?
2. Baba ósıetinen ne uqtyńdar?
3. Baba ósıetinen qandaı qorytyndy jasaýǵa bolady?

5. Shyǵarmashylyq jumys.
«Yntymaq, aýyzbirshilik» taqyrybyna, sahnalyq
Oıyn oınatý
«Bir - birimizdi madaqtaıyq»
Dáptermen jumys.
1 - 2 tapsyrma

Sarqan aýdany, Ekiasha orta mektebi
Ekiasha orta mektebi KMM
Ózin - ózi taný pániniń muǵalimi Asem Sydykova

Yntymaq – túbi bereke. júkteý