InfoHub Logo

Sabaqtyń taqyryby: J dybysy jáne árpi
Maqsaty: Bilimdilik: J dybysyn sóz ishinen bólip, durys aıtqyza bilý. J árpin tanytý. J árpi bar sózderdi oqı jáne jaza bilý.
Damytýshylyq: Oqýshylardyń logıkalyq oılaý qabiletin damytý.
Tárbıelilik: Oqýshylardy taza, ádemi kórkem jazýǵa tárbıeleý.
Qural - jabdyq: Sýretter, jýsan, jolbarys, qıma áripter.
Sabaqtyń ádisi: suraq - jaýap
Túri: Aralas sabaq
Tıpi: Jańa bilimdi meńgertý
Pánaralyq baılanys: Dúnıetaný, qazaq tili

Sabaqtyń barysy:
İ Uıymdastyrý kezeńi
Psıhologıalyq daıyndyq
Amansyń ba, altyn kún
Amansyń ba, kók aspan
Amansyń ba, dostarym
Senderdi kórsem qýanam.

İİ Úı tapsyrmasy
- Osyndaı jaqsy kóńilmen ótken sabaǵymyzǵa oralaıyq. Ótken sabaqta B, S, Y, dybystaryn ótken bolatynbyz. Sonymen senderge suraq.
1. B dybysy qandaı dybys, sózdiń qaı jerinde kezdesedi?
2. S dybysy qandaı dybys, sózdiń qaı jerinde kezdesedi?
3. Y dybysy qandaı dybys, sózdiń qaı jerinde kezdesedi?
Sózder oqytý
Bala Sana Ydys
Bota Sona Shyny
Arba Masa Taýyq
Dorba Aspan Qasyq
Ótken sabaqty qaıtalaý maqsatynda
Oıyn «Árip tastamaq»
Sharty: áripterdi taratyp beremin. Sol árip boıynsha sóz, sóılem quraý.

İİİ Jańa sabaq
- Balalar, bizge jolbarys qonaqqa kelipti.
- Balalar, mynaý neniń sýreti?
- Qońyzdyń.
- Ol qalaı dybystaıdy?
- jjj

Jumbaq
Tún shymyldyq ashqannan
Jymyńdaıdy aspannan
Kóp shyraqtyń aty ne?
Qaı áripten bastalǵan? (Juldyz, J árpinen bastalǵan )
Júzim, júzik, japyraq, jańǵaq sýretterin kórsetý.

Jańǵaq sondaı qatty
Jáne sondaı tátti
Al jumyrtqa qýys
İshi onyń ýyz

Jelpildegen jalaý
Kóńildegi alaý

Júırik mingen joldas
Uzaq joldas bolmas.

Jumbaqtar
Aspaı pisken
Qaınamaı túsken (jemis)
Jazda joǵary turady

Kúzde jerge túsedi.(japyraq)
Jol, jolbarys, jylan
Bastalady «J»- dan

- Osy barlyq aıtylǵan sózderdiń basynda qandaı dybys estilip tur?

- «J» dybysy
«J» daýyssyz dybys. Sozylyp, ándetilip aıtylmaıdy, aýyz qýysynda kedergige ushyraıdy.
- Balalar, synybymyzda «J» dybysy kezdesetin bala nemese qyzdar ma?
Jar - bol A - rý - jan Jan - sa - ıa Maǵ - jan
Býynǵa bóldirtý.
J dybysy sózdiń basynda jáne ortasynda kezdesedi eken.
J dybysy daýyssyz bolǵandyqtan, ony qolymyzben aparyp kók qaltashaǵa salamyz.
Oıyn «Sýretti bılet»
Sharty: Berilgen sýretterdegi J dybysy bar sózder aıtý

Oqýlyqpen jumys
- Baǵanmen berilgen sózderdi 1 mınýt beremin, daıyndalyp alyp oqımyz.
Jaǵa, jota, jalaý, jýas, jantaq
Jasa, jýa, jasaý, jýan, jýsan
- Barlyǵyna oqytamyn.
- Kelesi bizge mátin berilgen
Jýsan týraly túsinik berý. Qazaqstanda 80 nen astam shóp túrleriniń ishinde jıi kezdesetini - jýsan.
Shóp
- Balalar, mynaý qandaı shóp dep oılaısyńdar?
- Iá, jýsan
- Buny qaıdan kórdińder?
- Iá, dalada ósedi, maldar ony azyq etedi.
Dalada jýsan men jantaq kóp kezdesedi.
Al, endi mátindi oqıyq.
Káne, kim oqıdy?
Dalada jýsan bar.
Jýsanǵa mal jaqsy jaıylady.
Jaras maldy jýsanǵa jaıdy.
Mal toıyndy.
Sergitý sáti.
Jan - jaǵyma jantaıdym
Japyraqtaı jalpaıdym
«J» dybysyn jazdym da
Jarǵa qaraı shalqaıdym.
Kespe áriptermen jumys
Jara, jaǵa, Janar, jas, jan, sózderine dybystyq, býyndyq taldaý jasaý.
Dáptermen jumys
Oń qolymyzdy joǵary kóterip, qalamymyzdy ustap, J árpin aýaǵa jazaıyq.

Dápterimizdi ashaıyq
Qolǵa qalam alaıyq
Salaqtyqtan qashaıyq
Ádemi etip jazaıyq

Taqtaǵa J j árpin qalaı salynatynyn túsindirip kórsetý.
J j árpin úlgi boıynsha dápterge jazamyz.
Oıyn «Joǵalǵan býyn»
Jasa
Jaǵa sózderinen joǵalǵan býyndy oqýshylarǵa taptyrý.
Oıyn «Japyraq jınaý»
Jaman, jasa, jaǵa, jalaý, Oljas, Aıjan, sózderin oqytý

Qorytyndy:
Suraq - jaýap arqyly qorytyndylaý
- Al, balalar bizge qonaqqa kelgen Jolbarys qaıtqysy kelip tur.
Senderge raqmet aıtyp jatyr, sabaqqa jaqsy qatysqandaryńyz úshin jáne de daýysty jáne daýyssyz dybystardy ajyratyp, sózderdi oqı alǵandaryńa óte rıza.
Al, endi bizde Jolbarysqa «Saý bolyńyz,»- deıik.
Balalar, sabaqqa óte jaqsy qatystyńdar. Álde de kóp oqyp, úıreneıik.
Balalardy madaqtaý