InfoHub Logo

Bólimi: Saýat ashý
Taqyryby: J dybysy men árpi
Maqsaty: Balalardy j dybysy men tanystyrý. J dybysyn basqa dybystardyń ishinen aıyra bilýge, sózge dybystyq taldaý jasaýǵa, sózdi býynǵa durys bólýge úıretý.
Sýret arqyly zattyń atyn bilý, oılaý qabiletterin arttyrý.
Tárbıelik máni: Eńbekke, adamgershilikke tárbıeleý.
Kórnekiligi: Sýretter, kespe áripter, ınteraktıvti taqta.

Motıvasıalyq - Qozǵaýshy kezeń
Jylýlyq sheńberi.
Amansyń ba, Altyn kún!
Amansyń ba, Jer ana!
Amansyń ba, dostarym!
Senderdi kórsem qýanam!

Búgingi sabaǵymyz erekshe bolmaq. Balalar, búgin biz ormanǵa saıahatqa shyǵamyz. Ormanǵa saıahatqa shyǵý úshin aldyn ala daıyndalamyz. Ormannyń bir túkpirinde qazyna jasyrylǵan. Ol úshin bizderge qandaı zattar qajet?

Qanekı balalar bizderge kerekti zattardy satyp alaıyq. Ol úshin biz bilimpaz ataıdyń dúkenine baramyz. Bul dúkenniń basqa dúkennen aıyrmashylyǵy zattardy tek qana bilimimizben satyp alamyz. Ol úshin mynadaı tapsyrmalar berilipti.

Y dybysy qandaı dybys? Daýysty dybys ekenin qaıdan bilip tursyń? Olaı bolsa y árpinen keletin sózder aıtaıyqshy? Ydys degen sózdi kim býynǵa bóledi?
Balalar bizder kerekti zattardy aldyq olaı bolsa jolǵa shyǵamyz. Balalar ormanda neler mekendeıdi?
Olardy bir sózben qalaı aıtamyz?

Balalar aldymyzdan jolbarys shyqty. Osy jolbarys degen sóz qandaı dybystan bastalyp tur?

Olaı bolsa bizder búgin j dybysymen tanysamyz. Balalar bárimiz birge j dep aıtyp kóreıikshi. J dybysy daýysty ma álde daýyssyz ba? Onda qandaı tekshemen belgileımiz? J dybysy daýyssyz dybys aıtylǵanda qysqa, kedergige ushyrap aıtylady. Egerde ony sozyp aıtsaq y dybysy qosylyp ketedi. Balalar jolbarys qandaı janýar? Saıahatymyzdy ári qaraı jalǵastyrý úshin jolbarys bizderge kedergi bolyp tur. Jolbarys apanyndaǵy sıqyrly kitapty oqytpaı bizdi ormanǵa jibermeıdi eken. Sıqyrly kitaptaǵy sózderdi balalar qaıtalap oqıdy.

Atyraý oblysy, Jylyoı aýdany, Qulsary qalasy,
№19 jalpy orta bilim beretin mekteptiń
mektepaldy daıarlyq synyp tárbıeshisi
Kalıpova Ulmeken Maqsotqyzy