InfoHub Logo

Aqmola oblysy, Bulandy aýdany,
Makınsk qalasy, «Baldyrǵan» mektep - balabaqshasy ádiskeri
Nýrgalıeva Zeını Quttybekqyzy

Uıymdastyrylǵan oqý is - áreketiniń tehnologıalyq kartasy

Bilim berý calasy: «Qatynas»
Bólimi: «Til damytý» «Kórkem ádebıet»
Taqyryby: Jabaıy ańdar
Maqsaty: 1. Jabaıy janýarlardyń keıbir erekshelikterin salystyrý mekeni, qorektenýi týraly túsinik berý.
2. Suraqqa tolyq sóılem qurap, jaýap berýge úıretý.
3. Jan - janýarlardy qorǵaý olarǵa qamqor bolýǵa tárbıeleý, nelikten jabaıy dep atalatynyn túsindirý. Sózdik jumys: bóltirik, kójek, qonjyq, túlki, sarymaq, qanshyr.
Sabaqtyń túri: dástúrli emes.
Kórnekilikter: sýretter, úntaspa, haıýanattar baǵyna saıahat t. b.

Tárbıeshi áreketi
Balalarǵa haıýanattar baǵyna baratynyn aıtý.
Balalar barlyǵymyz ornymyzdan turaıyq.
Shattyq sheńber.
Qol ustasyp turaıyq,
Úlken sheńber quraıyq
Jańa shyqqan bul kúnge,
Iilip sálem qylaıyq.
Araılap shyqqan bul kúnge,
Shýaǵyn shashyp barshaǵa
Káne, dosym, kúlimde
Shattyq ornasyn júzinde.
- Balalar, búgin bizde erekshe kún.

- Balalar myna óleń jolyń tyńdańdarshy!
Óleń joly.
Tabıǵatty qoldaı bil
Ań qusyn da qorǵaı júr
Bilýimiz kerek ony biz
Bizde tabıǵattyń ulymyz
Tabıǵat bólek demeńiz
Sol úshin jaýap beremiz.
Balalar bul óleń jolynda ne týraly aıtylǵan eken?
Balalar tabıǵat degenimiz - ol bizdi qorshaǵan orta. Tabıǵatsyz eshqandaı tirshilik joq.
Ol barlyq tirshilik ıeleriniń ortaq úıi, tabıǵattyń bizge berer syıy da kóp.
Olaı bolsa búgingi
«Til amytý»oqý is - áreketinde osy tabıǵattyń tirshilik ıeleriniń biri «Jabaıy ańdarmen»
tanysamyz.
- Al jabaıy ańdar qaıda bolady?
- Durys, balalar olar ormanda jáne haıýanattar baǵynda meken etedi. Biz ony jaqynnan kórý úshin jáne tanysý úshin haıýanattar baǵyna saıahatqa baramyz.
Haıýanattar baǵy degenimiz ne?
- Ol úlken baq. Onda tek jabaıy ańdar ǵana emes jan – janýarlardyń kóptegen túrleri, ár túrli qustar meken etedi.
Biz onyń barlyǵyn kórip, aralap taýysa almaımyz. Biz tek qana ózimiz ertegilerde, teledıdardan kórip júrgen jabaıy ańdarmen ǵana tanysamyz.
Haıýanattar baǵynda barlyǵy qaıda turady - dep oılaısyńdar?
- Qalaı oılaısyńdar, olardy nege torlarda ustaıdy?

(Haıýanattar baǵyndaǵy qaýipsizdik erejelerin balalarǵa eskertý).
- Al, endi, balalar haıýanattar baǵyna barýǵa daıyndalaıyq.
Balalar qaıda baramyz?
Bizge haıýanattar baǵyna barý úshin bılet kerek. Ol bıletti men senderge daıyndap qoıdym.
(Bıletti taratyp beremin).
Haıýanattar baǵyna jaıaý óleń jolyn aıtyp baramyz.
- Balalar, qarańdarshy! biz mine haıýanattar baǵyna da kelip qaldyq.
Ol ańdardyń barlyǵy qaıda ketken?
Bul ańdardy tabý úshin men senderge vıktorınalyq suraqtar qoıamyn. «Zoobaqta neler ómir súredi?»

1. Qoraǵa túsip, ıtterdi shýlatatyn ol qandaı ań eken?
- Durys, balalar, bul – túlki.
Ol jyrtqysh ań.
- Al túsi qandaı?
Onyń balasyn túlkishek - dep ataıdy.
- Balalar qarańdarshy, qandaı ádemi!
Túlkiniń denesi nege uqsaıdy?
Túlkiniń terisi baǵaly. Qazaqtyń ataqty bas kıimi «Tymaq» osy túlkiniń terisinen tigiledi. Ony «Túlkitymaq»dep ataıdy.
Túlkiniń qoregi: túrli qustardy, qustyń jumyrtqasyn, balyq aýlap jeıdi.
Balalar, osy túlkiniń qasynda senderge arnalǵan tapsyrma bar eken.

I tapsyrma: «Oılan tap». Jumbaq aıtý.
1. Ózi bir qý
Júrgen jeri aıqaı da shý.
2. Sur tústi
Aqsıǵan kóp tisti.
3. Qys boıyna jatady
Tátti uıqyǵa batady.
- Óte jaqsy, biz túlki jaıly bildik, onyń bergen tapsyrmasyn oryndadyq.

- Endi, balalar men senderge ekinshi tordy ashý úshin vıktorınalyq suraqty qoıamyn.

2. Denesinde jolaǵy bar, ózi mysyqqa uqsaıdy.
Ol qandaı ań eken?
- Durys, balalar jolbarys.
- Al onyń balasyn - sarymaq deımiz.
- Jolbarys nege uqsaıdy eken?
Jolbarysta óte kúshti, jyldam júgiretin jyrtqysh ańdardyń biri.
Onyń túsi qandaı eken?
Jolbarystyń quıryǵy qandaı?
Qulaǵy she?
Onyń qoregi: janýarlar men ańdar eken.