Tópep turǵan nóserge qaramaı-aq,
Bir qyz ketip barady jalań aıaq.
Jaltyraǵan ádemi topylıyn,
Kim biledi, jaýynnan barady aıap.
Oınaqtaǵan dalada qara kózim,
Eske túsip ketti me bala keziń?
Eleń qylmaı eshkimdi barady ózi,
Jalań aıaq júrgendeı dala kezip,
Erkin ustap eligim barady ózin.
(Shyt kóılegi jabysqan keýdesine.)
Qaramasqa, qoımaıdy kórmesińe.
He keldi eken saıtannyń zerdesine?!
Jalań aıaq sıqyrǵa qarap turyp,
Jalań aıaq jastyǵym keldi esime!
Qara da tur, qaıtesiń, qara da tur,
Bulań etken bul sýret qalady aqyr.
Jalań aıaq...
Baltyry jalt-jult etip,
Ǵaıyp bolyp jastyǵym bara jatyr.

---